Genesisi 6:22 - Bhiblia Yo Sawuleka

²² Nowa a to maha toneto; totshe ti Txizimu txi nga mruma tona, ene a ti mahile.

Genesisi 6:22 Referans Kwoze

Johani 15:14

Anu mi vangana vangu, ngako mi txi maha totshe ti ni mi rumako.

Eksodha 40:16

Mosi a to maha totsheto, madingano ni ti Mkoma a nga mleletisa tona.

Johani 2:5

Se Mame wakwe a to gela sithumi, a txi khene: “Mahani totshe ti a no mi gela.”

Genesisi 7:5

Se Nowa a to maha totshe madingano ni ti Mkoma Txizimu a nga ti mleletete.

Dhewuteronome 12:32

U na xayisa totshe ti ni no kuruma; u nga engetele txilo, hambi kuhungula.

Genesisi 7:16

Se si to wulela kumweko ni Nowa, matune ni mkati, ka sotshe si i ku sa nyama, nga ti Txizimu txi nga ti leletile ka Nowa; se Mkoma a to seka ditimba da ngalava ngu hahanze.

Eksodha 40:23

a to veketela mapawu ngu ku ma txhatxhameta masoni ka Mkoma, nga tona ti Mkoma a nga leletisa tona ka Mosi.

Genesisi 7:9

ku vile ni sihari si si nga wulela ngalavani ni Nowa, ngu simbidi-simbidi, matune ni mkati, nga ti Txizimu txi nga leletisa tona ka Nowa.

Eksodha 40:27

se a to hisa ngu txitimwi dibaselo do bhumula, nga tonti Mkoma a nga leletisa tona ka Mosi.

Eksodha 40:25

se a to txhatxhameta malambu e ma turisa masoni ka Mkoma, nga tonti Mkoma a nga leletisa tona ka Mosi.

Genesisi 17:23

Sekoko Abrahamu a to teka Ismayeli, mwanana wakwe, ni votshe vavamna vale va nga velekwa m'tini kwakwe, ni votshe vale va nga xawa ngu male, votshe va mazambi, ava va kuho m'tini kwakwe, a to va yisa wukwera, ka donedo tshiku, nga ti Txizimu txi nga mleletisa tona.

Eksodha 40:32

Yotshe mbimo yi va nga ti wulela ditendani ka msengeletano ni mbimo yi va nga ti tshuketa aha ka txiluvelo, va ti ti ni fanelo yo samba, nga tona ti Mkoma a nga leletisa tona ka Mosi.

Eksodha 40:21

A to wuletisa dibhokiso amu ka ditenda do sawuleka, a txi hayeka nguwo ya m'jiyo, a txi fenengeta ngu yona dibhokiso da wufakazi, nga tonti Mkoma a nga leletelisa tona ka Mosi.

Eksodha 40:19

a to tshulela ngu ditenda da txitshulelo e sanzeka txifenengeto txitimwi ka kona, madingano ni ti Mkoma a nga mrumisa tona.

Eksodha 7:6

Sekoko Mosi ni Aroni va mahile nga ti Mkoma a nga va rumisa tona.

Matewu 2:21

Sekoko Josefa a to khukha e teka mwanana ni mame wakwe, e wuya ditikoni ka Israyeli.