Genesisi 6:2 - Bhiblia Yo Sawuleka

² vanana va mazambi va Txizimu, ngu kuwona ti to vanana vamahorana va vathu va tshurile, va to langa vale va nga va navela, va txi maha vasikati vawe.

Genesisi 6:2 Referans Kwoze

1 Johani 2:16

Nguko sotshe si si kuho ha ditikoni, kunavela ka mmidi, kunavela ka maso ni kutikulisa ngu tithomba, hi nga si si tsakelwako ngu Tate, aniko si tsakelwa ngu vathu va ha ditikoni.

2 Pedro 2:14

Maso awe ma tate ngu wugango, kha ma kolwi ngu sionho; se va lava ku ndindela txionhoni ava i ku vo mbi tsana; mbilu yawe yi tolovete makolo. Vona mbanana vo ruketelwa.

Ezra 9:12

Se konkuwa, vanana vanu vamahorana, va nga tekwe ngu vanana vawe va majaha, ni vanana vawe vamahorana, va nga tekwe ngu vanana vanu va majaha, kambe mi nga laveni kuthutha ni kuzumbiseka kwawe; kasi ku mi ti tsanisa, mi txidya sa sinene sa ditiko diya, se mi na di maha thomba ya vanana vanu kala kupinduka.

2 Samuwele 11:2

Se ku to maheka tito, ni minova, Dhavhidha a to wuka ngu ha m'bhedhuni kwakwe, e tsimbila-tsimbila txitimwi ka nyumba ya wukoma, kambe a di txitimwi ka nyumba a to wona wamsikati a txi kuwula; se wamsikati wuwa i ti wo tshura ngutu.

Dhewuteronome 14:1

“Anu mi vanana va Mkoma, Txizimu txanu; mi nga loweni mimidini kwanu, hambi kuyolwa titshi tanu, ngu mhaka ya kufa ka m'thu.”

Eksodha 34:16

Kambe u nga thuke u txi wuta hagari ka vanana vawe vamahorana, vasikati kasi kulowota vanana vako va vafana, va nga hambukisa vanana vako va txi maha wugango ni sizimu soneso.

Genesisi 27:46

Rebheka a to womba ka Isaake, a txi khene: “Na dyiswa mihumbo kuhanyani kwangu, ngu mhaka ya vavasikati va Vaheti. Ngako Jakobe a txi teka msikati wa Muheti, ka dona ditiko diya, wo fana ni vona vava, ni nga va ni txi hanyela txani kani?”

Genesisi 24:3

kasi ku ni txi ku xambanyisa ngu Mkoma, Txizimu txa nzuma ni mafu, ti to u nga thuke u txi lowolela msikati mwanana wangu, hagari ka mahorana a Vakanana, ava ni nga zumba hagari kwawe;

Genesisi 4:26

Nene Sete a mani mwanana, awu a nga mraya ku i Enosi; sekoko ku to khata kukhozelwa Mkoma.

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

1 Vakorinto 7:39

Wamsikati wa kutekwa a sungilwe ka mwamna wakwe, a di ngadi a txi hanyelwa ngu mwamna. Ngako mwamna wakwe a txi fa, wamsikati a txhatxhekile, kasiku e tekana ni wu a mlavako, ti txi nga tsimbila ngu mlayo wa Mkoma.

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Malakiya 2:11

Judha a lekile mlayo, se a mahile manyala ka Israyeli ni Jerusalema; nguko Judha a nyenyezisile wukhalo wo sawuleka wa Mkoma, awule ene a wu dhundako, se e teka mwanana wa dihorana da txizimu txa walo.

Isaya 63:16

Aniko awe u Tate wathu, hambi kule Abrahamu asi hi ziviko, ni Israyeli asi hi alakanyiko. Awe Mkoma, u Tate; Mtiruli wathu, kukhukhela kaleko, ditina dako.

Jobe 31:1

Ni mahile txitumelelano ni maso angu; ni nga navelisa kutxani muhorana kani?

Genesisi 6:1

Mbimo yi vathu va nga khata kuanda ha mafuni, va txi veleka vanana vamahorana,

Genesisi 6:3

Sekoko, Mkoma a to khene: “Moya wangu kha wu na mbi zumba yotshe mbimo ka m'thu, nguko m'thu i nyama, ni masiku akwe kha ma na mbi pinda 120 wa malembe.”

Genesisi 12:11

Mbimo yi a nga wona ti to a hafuhi ni kuwulela Egipta, Abramu a to khene ka msikati wakwe Sarayi: Wa ti wona: Na tiziva ti to awe u woneka u di msikati wo tshura ngutu.

Genesisi 26:35

Vona va to va nga sikarato mbiluni ka Isaake ni ka Rebheka.

Jobe 1:6

Na ku ti hokile ditshiku dile vanana va Txizimu va nga ta masoni ka Mkoma, Sathani nene a ti ti hagari kwawe.