Genesisi 6:17 - Bhiblia Yo Sawuleka

¹⁷ Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Genesisi 6:17 Referans Kwoze

2 Pedro 2:5

kufana ni toneto Txizimu kha txa divalela kambe vathu va kale. Aniko, mbimo yi txi nga wuyisa ndambi txitimwi ka vathu va kuonha, txi to ponisa Nowa dwe, mruruteli wa wululamo, kumweko ni mtxhanu wa vathu ni vambidi va nga sala nayo.

Genesisi 7:4

Nguko, ku di pindile mtxhanu wa masiku ni mambidi, ni na maha ti to mndani ka mune wa magumi a masiku, ku txi wa mati wusiku ni mitshikari, kasi ku ni na lovisa ha mafuni sotshe sivangwa si ni nga si maha.”

1 Pedro 3:20

avale kale ka masiku a Nowa, va nga mbi va ni kuengisisa, mbimo yi Txizimu, ngu kuhonisela ka txona, txi nga verela kuakwa ka ngalava, ayi vathu vavadotho, (va mtxhanu ni vararu) va nga ti hanyisa ngu yona, txitimwi ka mati.

Vahebheru 11:7

Ngu likholo, Nowa, a di zivisilwe ngu Nyatxitimwi timhaka tile ti nga sinzi kuwoneka, a vekete lisima txiziviso txiya, a txi aka Ngalava kasi kuponisa ngamu yakwe. Ngu mhaka ya toneto, a abanisile ditiko, a txi amukela kululama kuwa ku manwako ngu likholo.

Masalmo 107:34

wa hindula mafu o nona ma txi maha o savala, ngu mhaka ya wubihi wa vaaki va kona;

Amosi 9:6

Ngene a akako tinyumba takwe nzumani, e tsanisa nzuma mafuni a dhanako mati a linene, e ma nisa txitimwi ka mafu; ditina dakwe ngene Mkoma.

Masalmo 29:10

Mkoma wa fuma txitimwi ka ndambi; Mkoma a na fuma kala kupinduka!

Varoma 6:23

Nguko txhatxhazelo ya txionho ngu kufa. Kambe txiningo txa Txizimu ngu wutomi wo mbi na magwito, ngu ka Kristu Jesu Mkoma Wathu.

Varoma 5:21

ti to ngako kuonha ku nga fuma ngu lifo, kateko ni yona yi fanela kufuma ngu kululama ku ku yisako ka wutomi wo mbi guma, ngu Jesu Kristu Mkoma Wathu.

Luka 17:27

Va ti ti dya, ve sela, ve teka ni kutekwa, ku txi za kuhoka ditshiku di Nowa a nga wulela ngalavani, se ndambi yi txi hoka, yi va daya votshelele.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Ezekhiyele 34:20

Ngu mhaka ya eto, Mkoma Txizimu a mi gela tiya: Wonani taku ani, ani nipune, ni na lamula hagari ka sifuyo so ena ni sifuyo so goma.

Ezekhiyele 34:11

Nguko Mkoma Txizimu a khene: Wonani taku ani, ani nipune, ni na lava tinvuta tangu, kambe ni na wuya nato.

Ezekhiyele 6:3

Se u na khawe: Anu mimango ya Israyeli, engisani dipswi da Mkoma Txizimu: Mkoma Txizimu a khene ka mimango, ka simangwana, ka sinambwana ni ka mikova: Wonani taku ani, ina, ani nipune, ni na tisa ditxhari txitimwi kwanu, ni nata khundumusa makhalo anu o guleka.

Ezekhiyele 5:8

ngu mhaka yeto, Mkoma Txizimu a khene: Wonani taku ani, ina, ani nipune, na kusola; ni na kutsayisa ma txi kuwona matiko.

Isaya 54:9

Nguko eto kwangu ti na fana ni ndambi ya Nowa; ni xambanyile koko ti to ndambi ya Nowa, kha yi na mbi talela kambe mafu; ngu toneto ni xambanyile ti to kha ni na mbiswa kambe ni ku henyela, hambi ku kukawuka.

Isaya 51:12

Ani, ani ngani awule ni mi thavelelako; wo va mani awe koko, wa ku naza u thava m'thu wu afako, mwendo mwanana wa m'thu, wu a no hinduka e maha mwasi kani?

Jobe 22:16

Vona va thavisilwe ku si se hoka mbimo yawe; ndambi yi to thekela txitimwi ka sitsaniso sawe.

Dhewuteronome 32:39

Se konkuwa, wonisisani tito: Ani, ani ngani, kha txi nga ho tximwani txizimu kwangu; ani na daya, kambe na hanyisa. Ani na dayisa, kambe na holisa; kha nga ho a kuhulukako, manzani kwangu.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.

Genesisi 6:13

Sekoko Txizimu txi to kha txona ka Nowa: “Ni lava kufuvisa votshe vathu, nguko mafu ma tate ngu wubihi, ngu mhaka yawe. Ni na va fuvisa, kumweko ni mafu.

Genesisi 6:7

Se Mkoma a ti khene: “Ni na fuvisa txitimwi ka mafu, m'thu wu ni nga mmaha, ni fuvisa kambe sihari, ni sihari so tsimbila ngu dibindi, ni sinyana sa nzumani; nguko na ti laya ngu kuva ni di si mahile.”

Matewu 24:39

kha va pimisa txilo, kala ku txi hoka ndambi, yi nga khukhula votshe. Ina, ti na mahisa toneto ngu kuwuya ka Mwanana wa M'thu.”

Genesisi 9:9

“Wonani, na tsanisa Txitumelelano txangu ni nanu, kumweko ni vanana vanu, ava va no velekwa msana kwanu,

Genesisi 7:17

Se mndani ka mune wa magumi a masiku, ku to va ndambi ha mafuni; mati ma to kukumuka me guleta ngalava, yi a maneka yi di txitimwi ka mafu.

Genesisi 7:15

Ni yotshe nyama ayi yi nga ti ti ni moya wa kuhanya, si to wulela ngu simbidi-simbidi kumweko ni Nowa, amu ngalavani.

Genesisi 2:7

Se Mkoma Txizimu, a to wumba m'thu ngu lithulu la dibumba, e futeta mu tithonvuni, moya wa wutomi, se m'thu a to va txiwumbiwa txo hanya.

Genesisi 6:16

Ngu txitimwi ka ngalava, u na veka difasitela da mkono wumwewo; u veka ditimba da ngalava ha didhawa; u txi aka ka yona txitezi, txa hahatshi, txitezi txa wumbidi ni txitezi txa wuraru.