Genesisi 6:11 - Bhiblia Yo Sawuleka

¹¹ Ditiko di ti tate ni kubiha masoni ka Txizimu, ni kuva di ti tate ni wugevenga.

Genesisi 6:11 Referans Kwoze

Ezekhiyele 8:17

Sekoko a to ni gela ku khene: U ti woni, awe mwanana wa m'thu kani? Ku ni ti ti hehukelako nyumba ya ka Judha, kupinda manyala awa va ma mahetelako hawa kani? Va tatile ditiko ngu kulwisa, ve tshumela ve ni henyisa; se ndiva va tshuketisa ndonga tithonvuni kwawe.

Habhakuki 2:8

Ngako u nga hoxota matiko amangi, votshe vathu va na kuhoxota nawe, ngu mhaka ya mnoha wa vathu ni kulwa ngu mhaka ya mafu, didhoropa, ni votshe vale va zumbako ka dona.

Varoma 3:19

Kambe ha tiziva ti to totshe ti ti wombwako ngu mlayo ti wombwa ka va va ku hahatshi ka mlayo, kasiku sotshe sisofu si tsiwa, votshe vathu ve manwa na va di ni mnandu masoni ka Txizimu.

Varoma 2:13

Nguko hi nga vale va engisako mlayo va wombwako ti to va lulamile masoni ka Txizimu; aniko va balwa ti to va lulamile, vale va mahako ti wu rumako wona mlayo.

Ezekhiyele 28:16

Ngu kutala ka wukwewu wako, mndani kwako ku to tala ngu timboyinga, se u txi onha; ngu kumaha keto ni na kutshotsha u dinyenyezile hahanze ka mmango wa Txizimu; kambe ni na kulovisa, awe dikerubhima do vhikela, hagari ka marigwi o phatimisa ku nga mndilo.

Isaya 60:18

Kha ku na mbiswa kambe kupfala kulwisana ditikoni kwako, hambi kuxaselwa ni kukhundumuselwa mihinganoni kwako; aniko u na dhana “Kuhanyisa” ngu magumani kwako, ni matimbani kwako u na khawe “Kudhumisa.”

Luka 1:6

I ti vathu vo lulama ngu wumbidi wawe masoni ka Txizimu, va txi veketa va si solwi ngu m'thu, sotshe sirumo ni milayo ya Mkoma.

Habhakuki 2:17

Nguko kulwa ko wukela Libhanoni ku na kufenengeta, ni kuloviswa ka sihari sa tshofu ku na kuvangela kuthava, ngu mhaka ya mnoha wa vathu, ni kulwa ngu mhaka ya mafu, didhoropa ni votshe va zumbako ka dona.

Habhakuki 1:2

Ni na dila kala yihi mbimo Mkoma, na awe u si ni engisi kani? Ni na peka huwa: Nadawoo! Kasi khu ni hulukisi kani?

Jeremiya 6:7

Nga txisima txi txi humisako mati, kuhumisa tonato kubiha ka dona. Kuzoriyetana ni kuonhetela ka pfala ka dona, kulwa ni tivandwa siho masoni kwangu, ngu ha ku si gwitiko.

Masalmo 140:11

Vathu va makuhu va na fuve ha mafuni; makhombo ma na londisele sigevenga kala kuza me si fuvisa.

Masalmo 55:9

Va hangalase, Mkoma, u hambanisa tidimi tawe, nguko ni wona tshofu ni vhilinganya didhoropani.

Masalmo 11:5

Mkoma wa duka m'thu wo lulama ni wa kubiha, ene wa nyenya avale va dhundako wurena.

Genesisi 13:13

Kambe vathu va Sodhoma va ti ti ni tshofu ngutu, va txi mahetela sionho sasingi masoni ka Mkoma.

Genesisi 10:9

I ti ndena ya mxoti masoni ka Mkoma. Ngu mhaka yeto, kuhumile divingu di diku: “A fana ni Namrodhe, ndena ya mxoti, masoni ka Mkoma.”

2 Makronika 34:27

A ku u nga dhukiswa mbiluni kwako, u ti veka hahatshi masoni ka Txizimu, mbimo yi u nga pfa mapswi akwe madingano ni wukhalo wuwa ni vathu va kona, u txi ti veka hahatshi, u vharulela ni syambalo sako, u dila masoni kwangu, ani ni ku pfite, kuwomba Mkoma.

Genesisi 7:1

Msana keto, Mkoma a to khene ka Nowa: “Wulela ngalavani, awe ni mwaya wako, nguko ngawe wekha wo lulama ni kuwonako masoni kwangu, ka liveleko liya.

Genesisi 6:10

Nowa a velekile vanana vararu va majaha: Semi, Kame ni Jafete.

Eksodha 32:7

Sekoko Mkoma a to khene ka Mosi: Tsula, relela, nguko vathu vako, avale u nga va humisa ditikoni da Egipta, va onhile.

Dhewuteronome 31:29

Nguko ani na tiziva tito, msana ka kuva ni di fite, mi na ti bihisa ngutu, ngu kuhambuka ka nzila yi ani ni nga mi leleta yona; sekoko makhombo awa ma na mi welela ngu mbimo yile yi tako, nguko anu mi na maha ti i ku ta walo masoni ka Mkoma, mi na mu henyisa ngu mithumo yo biha ya manza anu.”

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.