Genesisi 50:5 - Bhiblia Yo Sawuleka

⁵ Tate wangu a ni xambanyisile, a txi khene: Ani ni hafuhi ni kufa, u na ya ni tshotsha diyivani kwangu, ni nga ti lulamisela ditikoni ka Kanana, ngu koneyo u no ya ni tshotsha kona. Ngu mhaka yeto, ni kombela ti to ni txi tumelelwa kutsula ni txi ya tshotsha kona tate wangu; sekoko ni txi gwita ni na wuya.

Genesisi 50:5 Referans Kwoze

Isaya 22:16

U ni txani hawa kani? Mwendo i mani u ku nayo hawa, aku u kelako dithitha, u kela ka wukhalo wo guleka dithitha dako, u ti mahela dizumbo upune amu ka dirigwi!

2 Makronika 16:14

A to tshotshwa ka dithitha di a nga ti mahela Didhoropani ka Dhavhidha, va di mu otelisile ka mbhedo wo tala ngu kubhumula, ni makha si nga longiselwa ngu va va tizivako; ve mu hisela ni mabaselo o tala o bhumula ngutu.

Matewu 27:60

e wu veka diyivani kwakwe, kakuphya, di nga ti mahilwe ha dirigwini. Ngu msana a to wumbuluta dirigwi da hombe e khubhunyeta ngu dona diyiva, e khukha e tsula.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Ekleziyaste 6:3

Ngako m'thu a txi veleka 100 da vanana, e hanya malembe o tala, ni masiku a malembe akwe me tala, ni muhefemulo wakwe wu si khuri ngu litsako, se hahanze keto asi mani ni wo mtshotsha, ni khani i txhuko txirumbu txo dhodwa, kupinda ene.

Masalmo 79:3

Va theketile mnoha wa vathu vako nga mati ka otshe madhawa a Jerusalema ku txi pwateka ni m'thu wo va tshotsha.

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

1 Samuwele 14:43

Sekoko Sawule a to khene ka Jonatani: Ni gele ti wu nga maha. Se Jonatani a to m'gela a txi khene: Ni to danzanyana wulombe wa wudotho ngu tshoka ya donga yi ni nga ti nayo manzani; se ni fanela kufa kani?

Dhewuteronome 4:22

Nguko ani ni na fa ka dona ditiko diya, kha ni na mbi txhatuka mnambo wa Jordhani; aniko anu mi na txhatuka mi txi ya di fuma, dona ditiko dile da dinene.

Genesisi 50:24

Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Genesisi 48:21

Msana keto, Israyeli a wombile ka Josefa, a txi khene: Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu.

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Genesisi 50:4

Ma di pindile masiku a txidilo, Josefa a to womba ka nyumba ya ka Faro, a txi khene: Ngako mi di ni lirando ni nani, na mi kombela ti to mi womba tinzeveni ka Faro, mi txi khanu:

Genesisi 50:6

Faro a to xamula, a txi khene: Tsula u txi ya tshotsha tate wako, nga kule a nga kumaha u xambanya.