Genesisi 50:25 - Bhiblia Yo Sawuleka

²⁵ Se Josefa a mahile ti to vanana va ka Israyeli ve xambanya, a txi khene: “Mbimo yi Txizimu txi no mi endela, mi na thavisa marambu angu ka wuwa wukhalo mi tsula nawo.”

Genesisi 50:25 Referans Kwoze

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

Eksodha 13:19

Mosi a tekile ni marambu a Josefa nguko ene a ti xambanyisile vanana va ka Israyeli ngu mtalo wawe tito: “Ngu ditshuri Txizimu txi nata mi thavisa; tekani marambu angu mi txi tsula nawo.”

Vahebheru 11:22

Ngu likholo Josefa, a di hafuhi ni kufa, a mahile txialakanyiso txa kurura ka vanana va Israyeli, a txi va leleta ati va no mtshotshisa tona.

Mithumo 7:16

Kambe sirumbi sawe si rwatwe si yiswa Sikemi, si ya tshotshwa diyivani ka Abrahamu, adiya a nga ti di xavile ngu male ya silivhela ka vanana va Hemori, tate wa Sikemi.”

Genesisi 50:5

Tate wangu a ni xambanyisile, a txi khene: Ani ni hafuhi ni kufa, u na ya ni tshotsha diyivani kwangu, ni nga ti lulamisela ditikoni ka Kanana, ngu koneyo u no ya ni tshotsha kona. Ngu mhaka yeto, ni kombela ti to ni txi tumelelwa kutsula ni txi ya tshotsha kona tate wangu; sekoko ni txi gwita ni na wuya.

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 3:17

Ngu mhaka yeto, ani ni khani: Ni na mi thusa mu kuxuphekani ka Egipta mi txi ya ditikoni da Vakanana, Vaheti, da Vaamori, da Vaferezi, da Vahevi ni da Vajebhusi ka ditiko di di khulungako masi ni wulombe.

Eksodha 13:18

Konako, Txizimu, txi mahile ti to vathu va txi tenderuka ngu nzila ya txiwula hafuhi ni lineneni lo Bhilivila; kambe vanana va ka Israyeli va humile ngu ditikoni ka Egipta va di xomile.

Rute 1:6

Sekoko, ene a to khukha ditikoni ka Mowabhi ni vamane vakwe, nguko a ti engisile a di ditikoni ka Mowabhi, ati to Mkoma a endete vathu vakwe ngu kuvaninga sakudya.