Genesisi 50:24 - Bhiblia Yo Sawuleka

²⁴ Ngu kugwita, Josefa a wombile ka vanawe, a txi khene: Ani na fa, aniko Txizimu txi na mi endela txi hulukisa mi khukha ka diya ditiko, txi mi yisa ka ditiko di txona Txizimu txi nga thembisa, ngu txixambanyo ka Abrahamu, ka Isaake ni ka Jakobe.

Genesisi 50:24 Referans Kwoze

Genesisi 35:12

Ani na kuninga ditiko di ni nga ninga Abrahamu ni Isaake, ni ka liveleko lako; ali li no maneka msana kwako.”

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Genesisi 48:21

Msana keto, Israyeli a wombile ka Josefa, a txi khene: Ani ni hafuhi ni kufa, kambe Txizimu txi na va ni nanu, txona txi na mi tshumeta mi tsula ditikoni ka vakokwani vanu.

Genesisi 46:4

Ani ni na relela ni nawe ditikoni ka Egipta, ni na ya maha ti to u tshumela u txi wuya, se Josefa ngene a no vhala maso ako, mbimo yi u no fa.”

Genesisi 15:18

Ka donedo ditshiku, Mkoma a to maha Txitumelelano ni Abramu, a txi khene: “Ni ningete ditiko diya ka liveleko lako, kukhukhela mnamboni ka Egipta, kala ka mnambo wa hombe, wa Ewufrate.

Genesisi 15:7

Mkoma a to khene ka Abramu: “Ani ni Mkoma wu a nga kuhumisa Uri ka Vakaldheya, kasi ku ni txi ku ninga ditiko diya, di maha thomba yako.”

Genesisi 13:17

Konkuwa, khukha u txi dhawula ditiko diya u wona kulapha ka dona ni kuanama ka dona, nguko ni na kuninga dona.”

Genesisi 13:15

Dotshe ditikodo u di wonako, ni na kuninga, awe ni lotshe liveleko lako, kala kupinduka.

Genesisi 12:7

Se Mkoma a to humelela ka Abramu a txi ta khene: “Ditiko diya ni na di ningela ka liveleko lako.” Ngu konaho Abramu a nga akela Mkoma txiluvelo, a nga ti wonekisa kwakwe.

Vahebheru 11:22

Ngu likholo Josefa, a di hafuhi ni kufa, a mahile txialakanyiso txa kurura ka vanana va Israyeli, a txi va leleta ati va no mtshotshisa tona.

Vahebheru 9:27

Se ngako vathu va nga sikelwa ti to ve fa kumweko dwe, ngu msana ku txi londeta kulamulwa;

Varoma 5:12

Ngu kota yeto, ngako txionho txi nga wulela ha ditikoni ngu mhaka ya m'thu wammweyo, ngu msana ku txi wulela lifo, ngu toneto lifo nilona li wulelete votshe vathu, nguko votshe va onhile.

Ekleziyaste 12:7

ni lithulu li txi tshumela liya mafuni, nga ti li ngadi ngu tona, ni moya wu tshumela wu tsula ka Txizimu, txi txi nga mninga.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

Jobe 30:23

Nguko ani na tiziva taku u na ni yisa kufani, ni nyumbani mu kuverelako votshe vo hanya.

Dhewuteronome 6:10

Ngako Mkoma Txizimu txako a txi ku wuletisa ka ditiko di ene a nga thembisa ngu kuxambanya ka vatate vako Abrahamu, Isaake ni Jakobe, ti to a na kuninga, i ku madhoropa a hombe o tshura, aawa u nga mbi ma aka,

Dhewuteronome 1:8

Ngu diya ditiko di ani ni nga mi ninga; wulelani ka dona mi txi di fuma, adi Mkoma, ngu txixambanyo, a nga thembisa ku di ningela ka vatate vanu, Abrahamu, Isaake ni Jakobe, se ngu msana kwawe di na va i di da situkulwana sawe.

Mitengo 32:11

Kha ditshuri, vavamna vale va nga wuya ngu Egipta, va magumi mambidi a malembe kuya masoni, kha va na mbi di wona ditiko di ni nga xambanyela Abrahamu, ni Isaake, ni Jakobe, nguko kha va timisela ve ni londeta.

Eksodha 33:1

Mkoma a to khene kambe ka Mosi: “Tsula, kwela ngu hawa, awe ni vathu va u nga va humisa ditikoni ka Egipta, ka ditiko dile ni nga xambanya ka Abrahamu ka Isaake ni txi khani: Ni na di ninga ka liveleko lako.

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Genesisi 50:5

Tate wangu a ni xambanyisile, a txi khene: Ani ni hafuhi ni kufa, u na ya ni tshotsha diyivani kwangu, ni nga ti lulamisela ditikoni ka Kanana, ngu koneyo u no ya ni tshotsha kona. Ngu mhaka yeto, ni kombela ti to ni txi tumelelwa kutsula ni txi ya tshotsha kona tate wangu; sekoko ni txi gwita ni na wuya.

Genesisi 21:1

Mkoma a to alakanya Sara, nga ti a nga womba, se e maha kwakwe ati a nga ti thembisile tona.

Genesisi 17:8

Ni na kuninga awe, ni lihunzu lako, msana kwako, ditiko diya u zumbako ka dona, dotshe ditiko da Kanana di na va ditiko danu, ngu hale ku si gwitiko, kambe ni na va Txizimu txanu.”

Genesisi 3:19

“U na dya sakudya ngu mnyuko wa khohe yako, kala u txi tshumelela mafuni ahale u nga thaviswa kona; nguko awe u lithulu kambe u na tshumela u txi maha lithulu.”

Genesisi 15:8

Se Abramu a to khene kwakwe: “Mkoma Txizimu, ni na ti zivisa kutxani ti to di na va ditiko dangu kani?”

Eksodha 3:8

Ngu mhaka yeto ni relete kasiku ni txi va thusa mu manzani ka Vaegipta, ni txi va humisa ka ditiko donedo, va txi ya ka ditiko da dinene, da hombe, ditiko di di khulungako masi ni wulombe, wukhalo wa Vakanana, wa Vaheti, wa Vaamori, wa Vaferezi, wa Vahevhi ni wa Vajebhuzi.

Eksodha 13:19

Mosi a tekile ni marambu a Josefa nguko ene a ti xambanyisile vanana va ka Israyeli ngu mtalo wawe tito: “Ngu ditshuri Txizimu txi nata mi thavisa; tekani marambu angu mi txi tsula nawo.”

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

Genesisi 47:29

Mbimo yi Israyeli a nga ti hafuhi ni kufa, a to dhana Josefa mwanakwe, e m'gela tiya: Ngako u txi ni dhunda ngu ditshuri, veka dianza dako hahatshi ka dithumbi dangu, u txi ni thembisa ngu lirando ni wunene ti to u si ni tshotshi ditikoni muwa ka Egipta!

Eksodha 12:41

Ka ditshiku di ku nga ti guma 430 wa malembe, mabutho a tiyimbi ta Mkoma ma manekile ma txi huma ditikoni ka Egipta.

Eksodha 12:51

Ka ditshiku donedo Mkoma a humisile vanana va ka Israyeli ditikoni ka Egipta, ngu mthetho wa mabutho awe.