Genesisi 50:21 - Bhiblia Yo Sawuleka

²¹ Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Genesisi 50:21 Referans Kwoze

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.

1 Pedro 3:9

Mi nga tshumeteleni wubihi ngu wubihi, hambi txiruko ngu txiruko, aniko, kukatekisa nguko ngu toneto mi nga dhanelwa tona, kasi ku mi txi maha vadyi va thomba ya kateko.

1 Vatesalonika 5:15

Ti woneleni kasiku ni wammweyo kwanu asi tshumeteli wubihi ngu wubihi; otshe masiku duketani kumahelana ta tinene, mi txi maha toneto ni ka votshe.

Matewu 6:14

“Ngako mi txi divalela vathu sionho sawe, Tate wanu wa nzumani a na mi divalela nanu sionho sanu.

Matewu 5:44

Aniko ani ni khani: Randani valala vanu, mi txi khongelela avale va mi xanisako.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.

Genesisi 34:3

Aniko msana keto, a to randa wule wa dihorana ngu ditshuri, se e maha ngu kuwombawomba nayo ngu lirando.

Genesisi 50:22

Ngu toneto, Josefa kumweko ni votshe va ka kwawe, va yite masoni ngu kuzumba ditikoni ka Egipta, se Josefa a hanyile 110 wa malembe.

Valamuli 19:3

Se mwamna wakwe a to khukha a txi mlondeta, kasi ku a txi ya womba-womba nayo mapswi a ku mkhongotela, ni kutshumela a txi wuya nayo; se a ti ti tekile dijaha dakwe ni timbongola timbidi, se awule wamsikati a to mteka a txi wulela nayo nyumbani ka tate wakwe, se mbimo yile tate wa kona a nga mmona, a to m'hingeta ngu kutsaka.

Genesisi 45:5

aniko konkuwa mi nga xanisekeni, mi nga thaveni ngu kuwa mi nga ni xavisa, ni txi tiswa kheno, nguko eto ti mahekile kasiku ni ta mi lulamisela wutomi wanu, ngu kurumwa ngu Txizimu, ti to ni thangela masoni kwanu.

2 Makronika 30:22

Ezekhiya a to womba-womba ka votshe va ka levhi ava va ku ni wutxhari wa wunene wo ziva Mkoma; se vathu votshe ve busa mtxhanu wa masiku ni mambidi, va ningela mningelo wa kudikha va txi dhumisa Mkoma Txizimu txa vatate vawe.