Genesisi 50:18 - Bhiblia Yo Sawuleka

¹⁸ Ngu msana, vanawe va Josefa, va manekile va txi ta ngu wutumbu wawe, ve ta ti wisa minengeni kwakwe va txi kha vona: Hiho hawa, athu sithumi sako.

Genesisi 50:18 Referans Kwoze

Genesisi 45:3

Se Josefa a ti khene ka vanawe: “Ani ngani Josefa. Tate wangu a ngadi a txi hanya kani?” Aniko vanawe kha va sikota ni kuxamula, nguko va ti dhukile ngutu masoni kwakwe.

Genesisi 44:14

Mbimo yi Judha ni vananda vakwe va nga wulela nyumbani ka Josefa, amu va nga ya mmana a sinzi kuhuma, vona va to khizama hahatshi masoni kwakwe.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

Genesisi 41:43

A to maha ti to Josefa e kwela ka txikotxikani dakwe da wumbidi a nga ti ti nado, na ku txi huwelelwa masoni kwakwe, va txi kha vona: “Abreki” Khizamani. Ngu toneto, Josefa a to vekwa e mahwa mthangeli wa ditiko dotshe da Egipta.

Genesisi 50:17

Mi na ya womba ka Josefa mi txi khanu: Na kukombela, divalela vananu minandu yawe ni sionho sawe, nguko va ku mahete wubihi; konakuwa koko, ha kukombela, ti to u divalela sionho sa sithumi sa Txizimu txa tate wako. Se Josefa a di engisile toneto, a to dila.

Genesisi 50:19

Aniko Josefa a va gete, a txi khene: Mi nga thaveni txilo! Mi pimisa ti to ani ni ha wukhaloni wa Txizimu kani?