Genesisi 50:15 - Bhiblia Yo Sawuleka

¹⁵ Sekoko ngako vanawe va Josefa va di woni to tate wawe a fite, va to wombawombisana va txi kha vona: Mwendo Josefa a na hi vengela a txi hi tshumetela, wotshe wubihi wu hi nga mmahela.

Genesisi 50:15 Referans Kwoze

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Masalmo 53:5

Vona va na dhudhumela ngu kuthava, kambe ku si nga ho mhaka ya kuthava, nguko Txizimu txi na hangalasa marambu a vale va ku randelako. Awe u na va xula, nguko Txizimu txi va tshuralete.

Masalmo 14:5

Vona va dhudhumela ngu kuthava, nguko Txizimu txi ema ni liveleko lo lulama.

Levhi 26:36

Avale va no huluka hagari kwanu, ni na va tisela dizowa mu timbiluni kwawe; ka mbimo yile mi no va mi di matikoni ka valala vanu, mi na dhuka, ngu kuwa ka dizokoro do oma, mi na thava ku nga mo thava masoni ka ditxhari, mi na wa, mi si tutumiswi ngu m'thu.

Varoma 2:15

Va kombisa ti to mthumo wu wu lawako ngu mlayo wu bhatwe timbiluni kwawe; livhalo lawe ngu yona fakazi yawe; ni mapimo awe ma va kawuka mwendo ku va emela.

Genesisi 42:17

Se a to va vekela vawoneleti masiku mararu.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Genesisi 50:14

Sekoko Josefa a to tshumela e wuya Egipta, kumweko ni vanawe avale a nga ti tsute navo kuya tshotsha tate wakwe.

Genesisi 50:16

Ngu mhaka yeto, va to ruma kuya womba ka Josefa, tito: Na tate a sanzi kufa, a hi gete, a txi khene:

Genesisi 37:18

Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.