Genesisi 50:10 - Bhiblia Yo Sawuleka

¹⁰ Ngako va di hokile koko wuhuleloni ka Goreni-Atadhe, ngu didhawa da wutxani ka mnambo wa Jordhani, koneyo va to maha tifanelo ta madila a hombe, Josefa a salukile tate wakwe, a txi heta mtxhanu wa masiku ni mambidi.

Genesisi 50:10 Referans Kwoze

Mithumo 8:2

Se vavamna vokari va vakhongeli va to kelela Sitefani, ve maha madila a hombe a kusaluka ene.

Jobe 2:13

Se va to khalahatsha nayo ha ka mafu, mtxhanu wa masiku ni mambidi ni mtxhanu wa wusiku ni wumbidi; ku si maneki ni wammweyo wo womba dipswi ni da dimwedo, nguko va woni taku kupandiseka i ti ti ka hombe ngutu.

2 Samuwele 1:17

Se Dhavhidha a to dila Sawule ni Jonatani, ngu ndando yiya,

1 Samuwele 31:13

Se va to teka marambu a kona ve ma kelela hahatshi ka mdonga, kona Jebhesi, ve ti tona sakudya mtxhanu wa masiku ni mambidi.

Dhewuteronome 34:8

Vanana va ka Israyeli va msalukile Mosi, libalani ka Mowabhi, amu ka magumi mararu a masiku, kala ku txi guma masiku a masaluko, o dila Mosi.

Dhewuteronome 1:1

Aawa, mapswi ale Mosi a nga xawutela ka votshe va ka Israyeli, mtxhatuko ka Jordhani, txiwulani, ka libala li ku masoni ka Sufe, ngu hagari ka Parani, ni Tofela, ni Labhani, ni Hazerote, ni Dhizahabhi.

Mitengo 19:11

Awu a gwesako txirumbi, a na va a sa sawuleka, txipimo txa mtxhanu wa masiku ni mambidi.

Genesisi 50:11

Ava va zumbako kona ditikonimo, i ku Kanana, ngako va di woni masaluko awa ma nga mahwa wuhuleloni, va ti kha vona: Atxiya njidilo txa hombe txa Vaegipta; ngu toneto wukhalo wuwa wu dhanwa ku i Abhele-Mesirayime, wukhalo wuwa wu maneka mtxhatuko ka mnambo wa Jordani.

Genesisi 50:4

Ma di pindile masiku a txidilo, Josefa a to womba ka nyumba ya ka Faro, a txi khene: Ngako mi di ni lirando ni nani, na mi kombela ti to mi womba tinzeveni ka Faro, mi txi khanu:

Genesisi 27:41

Se Esawu a to khata kuvenga Jakobe mnanda wakwe, ngu mhaka ya txikatekiso txi tate wakwe a nga mninga, a txi pimisa ekha mbiluni kwakwe, a txi khene: “Masiku o na dila tate nguko a di fite, ma hafuhi; sekoko ni na daya mnanda wangu Jakobe.”

Genesisi 50:3

Se kupinda mune wa magumi a masiku, nguko ku mahisva toneto ka vale va totelwako mafura; se Vaegipta va to msaluka amu ka mtxhanu wa magumi ni magumi mambidi a masiku.

Genesisi 50:9

Kumweko navo kutsute sikotxikani ni mahantxhi, ni vagadhi va ona: I ti dibutho da hombe ngutu.

Mitengo 20:29

Mbimo si msengeletano wu nga wona ti to Aroni a fite, wu to maha txidilo txo dila Aroni, magumi mararu a masiku.

2 Samuwele 11:26

Mbimo yile koko, msikati wa Uriya a nga tipfa taku mwamna wakwe Uriya a datwe, a to dilela nyamne wakwe.

Ekleziyaste 12:5

ni ku ngako makhalo o guleka ma txi zinginika, kuva ni kuthava hanzila, kuthunga mkhungu, ni humbi yi maha yo nemela, ufa ngu kunavela; nguko m'thu wa tsula ka nyumba yo gwita, se vale vo saluka, va na tsimbila-tsimbila mtendelani;

1 Makronika 10:12

votshe vavamna va mtamo va to khukha, ve teka txirumbi txa Sawule ni sa vanana vakwe, ve tsula naso Jabhesi; kambe va to teka marambu a kona ve ma kelela hahatshi ka mkusu, kona Jebhesi, ve ti tona sakudya, mtxhanu wa masiku ni mambidi.