Genesisi 5:3 - Bhiblia Yo Sawuleka

³ Adhamu a ti ni 130 wa malembe a tanga, mbimo yi a nga veleka mwanana wo fana nayo khohe ni mmidi, awu a nga mraya ditina daku i Sete.

Genesisi 5:3 Referans Kwoze

Genesisi 4:25

Se Adhamu a to engeta e ziva msikati wakwe; awu a nga mana mwanana. A to mraya ditina daku i Sete. Nguko ene a ti khene: “Txizimu txi ni ningile mmwani mwanana kasi kutsiveta Abhele, wu a nga dawa ngu Kayini.”

Vaefesu 2:3

Nanathu hotshethu hi ti fite kale kufana navo, ngu kulondetela minavelo yathu yo biha ni kumaha kuranda ko hambana ka mmidi wathu ni mipimiso yathu. Ngu kota yeto, nathu ngu mtumbuluko wathu hi ti maneka hi di vanana va va fanelwako ngu kutsukulwa ngu Txizimu kufana ni vamwani.

1 Vakorinto 15:39

Mimidi yotshe hi nga mimidi ya lixaka limwelo, aniko wu ho mmidi wa m'thu, wu ho mmidi wa sihari sa mune wa minenge, wu ho mmidi wa sinyana, ni mmidi wa sihaka.

Varoma 5:12

Ngu kota yeto, ngako txionho txi nga wulela ha ditikoni ngu mhaka ya m'thu wammweyo, ngu msana ku txi wulela lifo, ngu toneto lifo nilona li wulelete votshe vathu, nguko votshe va onhile.

Johani 3:6

Asi si nga velekwa ngu mmidi i mmidi kambe asi si nga velekwa ngu Moya i moya.

Luka 1:35

Se ngelozi yi to mu angula tiya: “Moya wo Sawuleka wu na txhika txitimwi kwako, se mtamo wa Nyatxitimwi wu na kufenengeta ngu mtsudi wakwe. Ngu toneto, Msawuleki wu a no velekwa a na dhanwa ku Mwanana wa Txizimu.

Masalmo 51:5

Kha ditshuri, ni m'bihi kukhukhela ni txi velekwa; ni muonhi kukhukhela mndani ka mame wangu.

Jobe 25:4

Ti ndi na mahisa kutxani ku m'thu eva wo lulama masoni ka Txizimu, niku a ndi na lulamisa kutxani wule a velekwako ngu wamsikati kani?

Jobe 14:4

(I mani wa wubihi waku a nga humisa so tshura kani? Lambi ni wammweyo!)

Luka 3:36

mwana Kayinana, mwana Arifaxadhe, mwana Semi, mwana Nowa, mwana Lameki,

1 Vakorinto 15:49

Ngako hi nga ningwa kuambala txifaniso txa m'thu wa mafu, hi na ningwa kambe kuambala txifaniso txa m'thu wule wa kuta ngu nzumani.

Genesisi 5:2

Txi to va vanga wamwamna ni wamsikati, txi va katekisa. Txi va ningile ditina daku M'thu, ka ditshiku dile txona txi nga va vanga ngu dona.

Genesisi 5:4

Msana ka kuva a di velekile Sete, Adhamu a hanyile kambe 800 wa malembe, se a velekile vanana va mazambi ni vamahorana.