Genesisi 49:9 - Bhiblia Yo Sawuleka

⁹ Judha njingonyamwana; u txi wuya mwanangu ngu kuxotani! Wa bukhwama a txi humula nga ngonyamo ya matune, nga ngonyamo ya matune yo kale. I mani a no mu wusa kani?

Genesisi 49:9 Referans Kwoze

Mitengo 24:9

A bukhwamile e baramela kufana ni ngonyamo ya matune, a txi nga ngonyamo ya mkati; i mani a no mkhukhisa kani? Va na kateka ava va ku katekisako. Se va na ruketelwe ava va mi ruketelako.”

Mtuletelo 5:5

Aniko didhota dimwedo di ni malatile di txi kha dona: “U nga dile. Wona, ngonyamo ya lihunzu la Judha, Mkoloti wa lixaka la Dhavhidha, yi xute, ngu konaho ya sikota kutula dibhuku ni kukwamula sixambanyo sa dona sa mtxhanu ni simbidi.”

Mitengo 23:24

Wonani tito, ava vathu va wuka kufana ni ngonyamo ya makati. Va ema kufana ni matune wa ngonyamo. Yona kha yi oteli yi sanzi kumita mpfimba wa yona, ni kusela mnoha wa vale yi nga va daya.”

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Hoseya 5:14

Nguko ka Efrayime, ni na fana ni ngonyamo ni ku nga txingonyamwana ka nyumba ya ka Judha; Ani, ani ni na va phatulela ni tshumela ni tsula; ni na va rwala, kupwateka ni wo lamulela.

Ezekhiyele 19:5

Ngonyamo yile ya makati yi di ti woni taku kha yi ngadi ni themba, yi to teka mmwani ka vanana va yona yi mmaha txingonyamwana.

1 Vakorinto 15:24

Magwito ka totshe, ngu mbimo yi Kristu a no tshumela e ningela Mfumo ka Txizimu Tate, msana ka kuva a di fuvisile kotshe kufuma, ni wotshe wukoma ni yotshe mitamo.

Hoseya 5:4

Kha va lavi kululameta mithumo yawe, kasiku ve tshumelela ka Txizimu txawe; nguko moya wa wugelegele wu hagari kwakwe, kambe kha va zivi Mkoma.

Dhewuteronome 33:20

Ngu didhawa da Gadhi, a ti khene; A katekile wule a endelekisako Gadhi! Ene wa humula nga ngonyamo ya makati, ayi yi phatulelako mawoko ni misungo.

1 Vafumeli 10:20

Kona txitimwi hale ka sikando sa mtxhanu ni tximwetxo sa madhawa mambidi, ku di ni digumi da tingonyamo ni timbidi; ku si zivi ka nga mahwa so fana niso ka mfumo ni wawumwewo.

2 Makronika 9:18

Txitulwetxo txa wukoma, txi ti ni mtxhanu wa sikando ni tximwetxo, ni txikhigelo tximwetxo txa mikondo txo mahwa ngu nzalama, se madhawa otshe a mambidi ku di ni sikhigelo kala ha ka txikhalo txa kona; ni tingonyamo timbidi ti di kumweko ni sikhigelo.