Genesisi 49:8 - Bhiblia Yo Sawuleka

⁸ Awe Judha, vananu va na kudhumisa, dianza dako di na khozisa tithamo ta valala vako; ni vanana va tate wako va na khizama masoni kwako.

Genesisi 49:8 Referans Kwoze

Vahebheru 7:14

Nguko, ti ha kubasani ti to Mkoma wathu a humete ka lixaka la Judha, ali Mosi asi wombiko txilo ngu lona ka timhaka ta wuphaxeli.

Genesisi 27:29

Vathu va na kuthumele, mifumo yi na khizame masoni kwako. Maha mfumeli wa vananu, va na khizame masoni kwako vanana va mame wako. A na ruketelwe awule a no kuruketela, a na katekiswe awule a no kukatekisa.”

1 Makronika 5:2

Nguko Judha i ti ti wa hombe hagari ka vanawe, se ngu kwakwe, ku to huma mthangeli; kambe wutiwula i ti wa Josefa),

Joxuwa 10:24

Ngako va di va humisile vafumeli vale, Joxuwa a to dhana votshe vavamna va ka Israyeli, aha a nga womba ka vathangeli va vathu va yimbi, avale a nga ti navo a txi khene: “Tshuketani mi txi ta veka mikondo yanu ha tithamoni ka vafumeli vava.” Se va to tshuketa ve veka mikondo yawe ha tithamoni ka vafumeli vale.

Dhewuteronome 33:7

Se ati a nga womba ngu Judha a ti khene: Judha a wombile dipswi da kateko a txi khene: “Mkoma, engisa dipswi da Judha u txi mu wuletisa ka vathu vakwe; manza akwe ma nave ni mtamo, u txi m'lwela ka valala vakwe!”

Genesisi 29:35

A to engeta kambe e mana txirumbu txa wumune, e veleka mwanana wa mfana, a txi khene: “Konkuwa ni na dhumisa Mkoma Txizimu.” Ngu mhaka yeto a mrayile ditina daku i Judha. Sekoko a to leka kuveleka.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

Mtuletelo 5:5

Aniko didhota dimwedo di ni malatile di txi kha dona: “U nga dile. Wona, ngonyamo ya lihunzu la Judha, Mkoloti wa lixaka la Dhavhidha, yi xute, ngu konaho ya sikota kutula dibhuku ni kukwamula sixambanyo sa dona sa mtxhanu ni simbidi.”

Vahebheru 10:13

na a txi rinzela mbimo yi valala vakwe va no khoziswa va txi mahwa txikhigelo txa mikondo yakwe.

Ezekhiyele 21:29

Hambi va txi kuwona u si nyawuli, hambiko va txi kuhuta makuhu kasi ku kuhayeka mkoloni ka vaonhi, ava va nga dayiselwa va txi fa, ditshiku di nata da kutsayiswa ka hombe.

Isaya 9:7

Kuanda ka kufuma ni kudikha kwakwe, kha ku na mbi va ni magwito txitimwi ka txikhalo txa wukoma txa Dhavhidha, ni ka mfumo wakwe, kasi kutsanisa ni kuseketela ngu wulamuli ni kululama, kukhukhela konkuwa, kala kupinduka; lirando la Mkoma wa Mabutho a Tiyimbi, a na maha eto.

Masalmo 76:1

Txizimu txa ziwa ditikoni ka Judha; ditina da txona nda wudhumo ditikoni ka Israyeli.

2 Makronika 30:11

Hambi keto, vamwani va ka Aseri, ni va ka Manasi, ni va ka Zebhuloni, va to ti veka hahatshi, ve tumela kuya Jerusalema.

2 Makronika 17:2

A to veka vathu va yimbi ka madhoropa otshe a hombe a Judha, ni va woneleti va ditiko da Judha, ni ka madhoropa a Efrayime awa Asa tate wakwe a nga ti ti matekile.

2 Makronika 15:9

Se a to sengeleta votshe vathu va ka Judha, ni va ka Bhenjamini, ni valuveli va Efrayime, ni va ka Manasi, ni va ka Simiyoni, va ka Israyeli va to ta kwakwe va di tate ngutu, nguko va to wona ti to Mkoma Txizimu txakwe txi ni nene.

2 Makronika 14:8

Asa ati ni dibutho da tiyimbi da 300.000 wa vathu va ka Judha, va ku ni sivhikelo ni matxhari, ni 280.000 wa va ka Bhenjamini va ku ni sivhikelo ni wulaho; votshe i di tindena ta vavamna.

2 Samuwele 24:9

Se Jowabhi a to ya ninga mfumeli mtengo wa vathu va va nga balwa: Va ka Israyeli i ti ti 800.000 wa vavamna vo lwa yimbi, va nga ti sikota ndiwita ditxhari; se va ka Judha i ti ti 500.000 wa vavamna.

2 Samuwele 22:41

Se u ni ningile magondo a valala vangu, avale va nga ti ni nyenya, se ni va hoxotile.

2 Samuwele 5:3

Ngu kumaha keto, otshe madhota a ka Israyeli ma to ta ka mfumeli, kona Hebroni; se mfumeli Dhavhidha a to maha navo txitumelelano kona Hebroni, masoni ka Mkoma; va to tota Dhavhidha kuva mfumeli txitimwi ka Israyeli.

Valamuli 20:18

Se vanana va ka Israyeli va to khukha, va txi kwelela Bheteli, veya wotisa ka Txizimu, va txi kha vona: “I mani hagari kwathu a no thangela e kwela ku yalwa ni va ka Bhenjamini kani?” Se Mkoma a to khene: “I Judha a no khata ene e kwela.”

Mitengo 26:22

Atiya ngu tona tinyumba ta va ka Judha, mtengo wawe i ti 76.500.

Mitengo 10:14

Nguko kukhata ku to khukha m'jeke wa dizumbo da vanana va ka Judha, madingano ni mabutho awe a tiyimbi; se ka dibutho dawe da yimbi, ku ti ti ni Nasoni, mwana Aminadhabhe.

Mitengo 1:27

kubhatwe 74.600, ka lihunzu la ka Judha.

Genesisi 46:12

Vanana va Judha: Eri, Onani, Sela, Perezi, ni Zera, aniko Eri ni Onani va fete ditikoni ka Kanana ni vanana va Perezi, Hezironi ni Hamuli.

Genesisi 42:6

Josefa koko i ti ene mthangeli wa ditiko da Egipta; ngene kambe a nga ti xavisa sakudya ka vathu votshe; se vanawe va to ta bwaka ve khizama masoni ka Josefa, va txi wonetela hahatshi.

Mitengo 26:20

Vanana va ka Judha ngu tinyumba tawe ngu vava: Ka Sela, i nyumba ya ka Sela. Ka Perezi, mba nyumba ya ka Perezi; ka Zera, mba nyumba ya ka Zera.

1 Makronika 28:4

Se Mkoma, Txizimu txa Israyeli, a ni sawute hagari ka yotshe nyumba ya tate wangu, kuva ni fumela kala kupinduka txitimwi ka va ka Israyeli; nguko a sawute Judha kuva mthangeli, ni nyumba ya tate wangu, ka nyumba ya ka Judha; hagari ka vanana va tate wangu a tsakisilwe ngu ngani, kasi ku e ni maha mfumeli txitimwi ka votshe va ka Israyeli.

Joxuwa 15:20

Ayiya ngu yona thomba ya vanana va ka Judha, madingano ni timwaya tawe.