Genesisi 49:7 - Bhiblia Yo Sawuleka

⁷ Yi na va wuyisele dikhombo tshofu yawe ya kwa mbi dinganiswa, txi na mahe dikhombo txiviti txa wurena wawe. Ani ni na va hangalasa hagari ka ditiko da Israyeli.

Genesisi 49:7 Referans Kwoze

Mavingu 27:3

Dirigwi da nemela, mafu ni ona ma nemela; aniko kuhenya ka txiphukuphuku ka nemela kupinda sona.

1 Makronika 6:65

Se va to va ninga ngu kuwomba ka tixolo, madhoropa ale ma nga wombwa ngu matina, amu ka lihunzu la vanana va ka Judha, ka lihunzu la vanana va Simiyoni, ni ka lihunzu la vanana va ka Bhenjamini.

2 Samuwele 13:15

Msana keto, Aminoni a to vengela Tamara ngu livengo la hombe ngutu, nguko livengo lile a nga mvenga ngu lona i ti ti la hombe kupinda lirando lile a nga ti mrandile ngu lona. Se Aminoni a to khene kwakwe: Khukha u tsula!

Mitengo 35:8

Se madhoropa awa mi no ningela ngu ka thomba ya vanana va ka Israyeli, ka va va ku ni sasingi ku na tekwa sasingi, se ka vale va ku ni sa sidotho, ku na tekwa sa sidotho; mmwani ni mmwani a na ningela madhoropa akwe, ka va ka Levhi, madingano ni thomba yakwe, yi a ku nayo.

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.