Genesisi 49:6 - Bhiblia Yo Sawuleka

⁶ Moya wangu wu nga wulele sikungoni kwawe, nduma yangu yi nga wuletiswe misengeletanoni kwakwe, nguko kuhenyani kwawe va dayete vavamna, ve sakana ngu kulimata misiha ya tihomu.

Genesisi 49:6 Referans Kwoze

Genesisi 34:30

Sekoko Jakobe a to womba ka Simiyoni ni ka Levhi, a txi khene: “Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”

Masalmo 26:9

U nga ni fuvise kumweko ni vaonhi; ni hulukise ka txitsayiso txa sigevenga,

Masalmo 16:9

Ngu kumaha keto, mbilu yangu ya tsaka, ni moya wangu wa nengela ni mmidi wangu wu na humula ngu kudikha.

2 Vakorinto 6:14

Mi nga sungweni ha dikangeni kumweko ni va va si kholwiko. Nguko wusengeli muni wu kuho hagari ka kululama ni kubiha kani? Mwendo wusengeli muni wu kuho hagari ka liwoningo ni txidema kani?

Luka 12:19

Se ni na gela moya wangu ni txi khani: Moya wangu, u na ni silo sasingi, asi si no heta malembe amangi. Humula, dyana, sela u txi ti tsakela.’

Jeremiya 15:17

Kha na zumba msengeletanoni ka vatseketseli, ni tsaka kona; ngu mhaka ya dianza dako ni zumbile nokha, nguko u ni mahile ni tala ngu txiviti.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

Masalmo 64:2

Ni lwele ka sikungo sa vabihi; ni ponise ka vathu vo biha va ni riyelako.

Masalmo 57:8

Moya wangu, wuka! Wukani awe txitende ni nawe haripa! Nyamsi ni lava kuwusa wuronga!

Mavingu 12:5

Malakanyo a m'thu wo lulama manene, aniko sileleto sa muonhi nzo kanganyisa.

Mavingu 1:11

Va txi kha vona: Tsimbila ni nathu, hi baramela vathu, hi duka vale vo pwata mnandu,

Masalmo 139:19

Txizimu, fuvisa avale va mahako kubiha, anu sigevenga, hambukani mi tsula kule ni nani.

Masalmo 103:1

Ni lava kudhumisa Mkoma ngu wotshe moya wangu; ngu yotshe mbilu yangu ni lava kudhumisa Txizimu txo sawuleka.

Masalmo 43:5

Moya wangu, u thelwa dikhodho ngu txani, u txi thidhela kani? Themba Txizimu, ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:11

Moya wangu, u thelwa dikhodho ngu txani, kambe u xanisekela txani mndani kwangu kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 42:5

Moya wangu, u thelwa dikhodho ngu txani, u txi thidhela kani? Themba Txizimu, ani ni ngadi ni txi na txi dhumisa. Txona i ku Txizimu txangu ni Muhanyisi wangu!

Masalmo 30:12

Ti di ngeto, Mkoma, Txizimu txangu, ni na embelela ngu ngawe ni si gwiti, ni na kudhumisa kala kupinduka.

Masalmo 28:3

U nga ni pate ni sigevenga, ni vale va mahako kubiha; vona va womba kuthutha ka mu akelani wawe, aniko timbiluni kwawe, va na ni kubiha.

Masalmo 5:10

Awe Txizimu va rweke mnandu wawe! Va leke va txi loviswa ngu makungo awe. Va tutumise ngu mhaka ya mtalo wa sionho sawe, nguko va terekile va txi kuwukela.

Masalmo 1:1

A katekile m'thu wule asi wuleliko txikungoni ka vabihi, ni kwa mbi tsimbila nzilani ka vaonhi, hambi kuzumba ni vapoyileli.

Valamuli 5:21

Txinambwana txa Kixoni txi va kukuletile, mnambo wule wa kale, mnambo wa Kixoni. Awe moya wangu, tsimbila u di tsani!

Dhewuteronome 27:24

“Dikhombo di nave ka wule a dayako muakelani wakwe kusisalani!” Vathu votshe va na womba va txi kha vona: “Amen!”

Joxuwa 11:9

Se Joxuwa a mahile nga ti Mkoma a nga m'gelisa tona; a to wilela misiha ya mahantxhi awe, e hisetela ni sikotxikani sawe kambe.

2 Samuwele 8:4

Se Dhavhidha a to teka 1.600 wa vagadhi va mahantxhi ni 20.000 wa vavamna va tsimbilako ngu mikondo; Dhavhidha a to wila misiha ya otshe mahantxhi a sikotxikani, e siya o dingana 100 wa sikotxikani.

1 Makronika 18:4

Se Dhavhidha a to m'honyola 1.000 wa mahantxhi o ndinda sikotxikani, ni 7.000 wa vagadhi va mahantxhi, ni 20.000 wa vavamna vo tsimbila ngu mikondo; se Dhavhidha a to limata otshe mahantxhi o ndinda sikotxikani, e siya 100 wa mahantxhi.