Genesisi 49:27 - Bhiblia Yo Sawuleka

²⁷ Bhenjamini i dixolwa di di phatulako; ni mixo didya txile di nga xota, se ni minova di phaka sa kuhonyola.

Genesisi 49:27 Referans Kwoze

Ezekhiyele 22:27

Vathangeli vawe hagari ka dona, va fana ni maxolwa ale ma ñolako sihari, kasi kutheketa mnoha, va txi khundumusa mihefemulo, va txi felela.

Valamuli 20:25

Ni vona va ka Bhenjamini, va to huma va txi va hingeta hahanze ka Gibheya, va txi wisa hahatshi 18.000 wa vavamna, votshe vale va nga txi ndiwita ditxhari.

Valamuli 20:21

Sekoko vanana va ka Bhenjamini va to huma ngu Gibheya, ka donedo ditshiku va date 22.000 wa vavamna va ka Israyeli.

Genesisi 46:21

Vanana va Bhenjamini: Bhela, Bhokore, Asibheli, Jera, Namani, Eki, Rosi, Mofini, Ofini ni Aredhi.

Genesisi 35:18

Mbimo yi wu nga txi huma moya wakwe, na se lifo li di hafuhi, ene a to raya ditina mwanana, daku i Bhenoni; aniko tate wakwe a mrayile ku i Bhenjamini.

Vafilipiya 3:5

ni yisilwe wukwerani ka ditshiku da wutxhanu ni mararu, ni wa lixaka la ka Israyeli, ka lihunzu la ka Bhenjamini, Muhebheru, mwanana wa Vahebheru, ngu mu ka milayo ni mfarisi,

Mithumo 20:29

Na tiziva ti to msana ka kuva ni di khukhile ni tsula, ma na wulela maxolwa a tshofu hagari kwanu, aawa ma no mbi ta divalela mtxhambi,

Mithumo 9:1

Kambe Sawule, ngukuva a di ngadi ni mahika a kubavela kudaya vagondiswa va Mkoma, a to tsula ka mphaxeli wa hombe,

Mithumo 8:3

Kambe Sawule a ti ti xasela dibanza e wulela tinyumbani e ruruvisa vavamna ni vavasikati eya va rinza mkorani.

Matewu 10:16

“Wonani, ni mi ruma nga tinvuta hagari ka maxolwa; ngu toneto, txharihani nga minyoka, mi txi va vo mbi na wukhuxu kufana ni situvane.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

Zefaniya 3:3

Vathangeli va dona ndingonyamo ti bhongako hagari ka dona; valamuli va dona maxolwa a mbimo ya minova, ma si siyiko marambu a kutadya mangwana.

Ezekhiyele 22:25

Kukanetisana ka vaprofeti vako kuho hagari ka dona, kufana ni gonyamo yi bhongako, yi txi ñola txihari; va honyolako tithomba ni simwani somaha, ve engetela tinoni hagari ka dona.

Jeremiya 5:6

Ngu toneto, koko, ngonyamo ya txitingani yi na va daya, hambi dixolwa da mu txiwulani di na va heta, Yingwe yi na mbzwingamela madhoropa awe; mmweyo ni mmweyo a no huma hahanze a na vhandamulelwa; nguko sihambunyeto sawe si tate, ni sionho sawe nzingi.

Dhewuteronome 33:12

Ngu didhawa da Bhenjamini, a ti khene: “Ene njirandwa txa Mkoma, a na humula ngu kuthutha hafuhi kwakwe, Nyatxitimwi a na mfenengeta kala kupinduka, e zumba makatani kwakwe.”

Mitengo 23:24

Wonani tito, ava vathu va wuka kufana ni ngonyamo ya makati. Va ema kufana ni matune wa ngonyamo. Yona kha yi oteli yi sanzi kumita mpfimba wa yona, ni kusela mnoha wa vale yi nga va daya.”

Genesisi 49:26

Makatekwa a tate wako ma na pinda makateko a vatate vangu, kala titshokani ka mimango ya kale ngutu; ona ma nava txitimwi ka msungo wa Josefa, ni txitimwi ka msungo wa wule a nga sawulwa hagari ka vanawe.

Genesisi 49:28

Votshe vava va tshanganisa digumi da tihunzu ni timbidi ta Israyeli, atiya timhaka ngu tona ti tate wawe a nga va gela. Ene a va katekisile, mmweyo ni mmweyo madingano ni fanelo yakwe.

Mitengo 1:36

Mbimo yi ku nga bhalelwa liveleko la vanana va ka Bhenjamini ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe ni kuya masoni, avale va dinganako kuya yimbini.

Mitengo 34:21

ka lihunzu la ka Bhenjamini i Elidhadhe, mwana Kisiloni;