Genesisi 49:24 - Bhiblia Yo Sawuleka

²⁴ Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)

Genesisi 49:24 Referans Kwoze

Masalmo 132:2

Alakanya sixambanyo sakwe, sithembiso si a nga si maha ka Txizimu txa mtamo, txa Jakobe, a txi khene:

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Masalmo 132:5

kala kuza ni txi lavela Mkoma wukhalo, nyumba yo zumbela ka wona Txizimu txa mtamo txa Jakobe.”

Masalmo 80:1

Awe m'dyisi wa ka Israyeli, hi engise u kombisako nzila ka liveleko la ka Josefa kota mtxambi wako, hi engise, awe u ku ha txikhaloni txitimwi ka makerubhima, ti wonekise!

Masalmo 18:30

Nzila ya Txizimu njo hetiseka; dipswi da Mkoma ndo tsana; Njitxhavangu ka votshe vale va di thembako.

Jobe 29:20

kudhundeka kwangu ku ti ti wusetwa, ni wulaho wangu wu ti ti tsana manzani kwangu.

2 Timoti 4:17

Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo.

Vaefesu 2:20

nguko anu mi fana ni nyumba yi nga akwa txitimwi ka makhato o mahwa ngu vapostoli ni vaprofeti, ahawa Jesu Kristu apune i ku Dirigwi da kona da hombe do tsanisa;

Isaya 1:24

Ngu toneto, Mkoma Txizimu txa Mabutho a Tiyimbi, Ndena ya ka Israyeli, a khene: Ani na ti tsakisa ngu va va ni vengako, ni wukela valala vangu.

Masalmo 118:22

Dirigwi diya vaaki va ngadi nyenya di mahile dirigwi da hombe do tsanisa.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Genesisi 45:5

aniko konkuwa mi nga xanisekeni, mi nga thaveni ngu kuwa mi nga ni xavisa, ni txi tiswa kheno, nguko eto ti mahekile kasiku ni ta mi lulamisela wutomi wanu, ngu kurumwa ngu Txizimu, ti to ni thangela masoni kwanu.

Vakolosa 1:11

mi txi mana kutsaniswa ngu mtamo wa hombe, madingano ni mtamo wa kupfaliswa ka txona, kasiku mi sikota kutimisela ta tinene ni kuhonisela ngu kutsaka;

Varoma 14:4

U mani awe u lamulako txithumi txa mmwani kani? Mwendo txithumi txiya txa ema mwendo txa wa, eto ti ziwa ngu nyamne wa txona; aniko txona txi na ema, nguko Mkoma a ni mtamo wo txi emisa.

Mithumo 4:11

Ene ngene dirigwi di di nga nyenywa ngu nganu vaaki, adiya se di nga mahwa msungo wa dikhona.

Luka 20:17

Se a txi va wonisisa, a ti khene kwawe: “Ti womba txani ati ti nga bhalwa va txi kha vona: ‘Dirigwi di vaaki va ngadi nyenya, ngu dona di nga mahwa dirigwi da hombe da kutsanisa kani?’

Marku 12:10

Kha mi nzi kugonda mibhalo yi yi ku: ‘Dirigwi diya vaaki va ngadi nyenya, ngu dona di nga mahwa da hombe do tsanisa.

Matewu 21:42

Jesu a to va gela a txi khene: “Kasi kha ma gonda ka Mibhalo ti taku: ‘Dirigwi dile di nga lambwa ngu vaaki di tshumete di maha dirigwi da hombe do tsanisa. Atiya ti mahilwe ngu Mkoma kambe ta xamalisa masoni kwathu.’

Zakariya 10:12

Se ani ni na va tsanisa ka Mkoma, kambe va na tsimbila ditinani kwakwe, kuwomba Mkoma.

Zakariya 3:9

Nguko ndide hawa dirigwi di ni ngadi veka masoni ka Joxuwa; txitimwi ka dirigwi di da dimwedo, ku ni mtxhanu wa maso ni mambidi; wona taku ani ni na kenyela mibhalo ya kona, kuwomba Mkoma wa Mabutho a Tiyimbi, ni na thavisa wubihi wa ditiko diya ngu ditshiku dimwedo.

Isaya 60:16

Kambe u na mama masi a matiko, se u na ti dyisa tikhanani ka vafumeli; u na tiziva ti to ani ngani Mkoma, Muhanyisi wako, Mtiruli wako, ni nyamitamo wa va ka Jakobe.

Isaya 41:10

u nga thave, nguko ani ni ni nawe; u nga gume mtamo, nguko ani ni Txizimu txako; na kutsanisa, kambe na kuvhuna, na kuseketela ngu dianza dangu da txinene da kululama.

Isaya 29:24

Se vale va nga wekela moyani, va na tava ni mapimo, ni vale vo ngungurukela, va na tumela kugondiswa.

Masalmo 89:1

Awe Mkoma, ni na embelela lirando lako, kala kupinduka; ni na huwelela kuthembeka kwako ka liveleko ni liveleko.

Masalmo 44:7

Ngawe u nga hi hulukisa ka valala vathu ngawe u nga xula avale va hi vengako.

Masalmo 28:8

Mkoma ngene i ku mtamo wa ngamu yakwe; ene wa lwela ni kuhanyisa mfumeli wu a nga msawula.

Masalmo 27:14

Themba Mkoma! Tsanisa, u nga thave txilo, themba Mkoma!

Masalmo 23:1

Mkoma i m'dyisi wangu; kha ni na mbi pwata txilo.

Masalmo 18:1

Ni na kuranda ngu mbilu yangu, Mkoma, Awe u mtamo wangu.

Nehemiya 6:9

Nguko votshe va ti lava ku ni dhukisela, va txi kha vona: Manza awe ma na leka mthumo, se mthumo kha wu na mbi tsimbila. Konkuwa koko, awe Txizimu, tsanisa manza angu.

Dhewuteronome 34:9

Joxuwa, mwana Nune, a to tala ngu moya wa wutxhari, nguko Mosi a ti msanzekile manza akwe. Ni vanana va ka Israyeli va to mu engisa, va txi maha totshe madingano ni ti Mkoma a nga leleta Mosi.

Eksodha 3:6

Mkoma a to engeta a txi khene: “Ani ngani Txizimu txa vatate vako, Txizimu txa Abrahamu, Txizimu txa Isaake ni Txizimu txa Jakobe.” Konako Mosi a to fenengeta khohe, nguko a ti thava kuwona Txizimu.

Genesisi 50:21

Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.

Genesisi 45:11

Koneyo ani ni nata kuxayisa, nguko paya yi ngadi yi txi na vaho amu ka mtxhanu wa malembe, kasiku u si zumbi wusiwanani, awe ni ngamu yako, ni sotshe si si kulumbako.

Genesisi 45:7

Txizimu txi ni rumete masoni kwanu ka ditiko diya, kasi ku ta lulamisa txikungo, txo hulukisa lihunzu lanu ha mafuni, mi txi huluka, mi simama mi hanya ngu nzila yo xamalisa.

Genesisi 48:15

Se Israyeli a to katekisa Josefa, a txi khene: Txizimu txi va nga tsimbila masoni ka txona vatate vangu Abrahamu ni Isaake Txizimu txi i ku m'dyisi wangu kukhukhela ni txi velekwa kala ditshiku da nyamsi,

Genesisi 49:23

Vafuli va mpfisile kupanda, ngu ku mfuletela ngu tingove, ngu ku m'venga kwawe.

Dhewuteronome 33:27

Txizimu txa yotshe mbimo, mbuthavelo wako. Mawoko a txona nzivhuno sako kala kupinduka; txona txo tovela valala masoni kwako, txi txi kha txona: Va lovise!

2 Samuwele 5:2

Hambi ni kale, Sawule a txi fuma txitimwi kwathu, ngawe u nga ti ti huma ni kuwulela ni Israyeli; kambe Mkoma a ti khene kwako: Awe u na dyisa vathu vangu va ka Israyeli, ni ti to awe u na va mthangeli txitimwi ka Israyeli.

Masalmo 73:23

Hambi keto ni ni nawe yotshe mbimo; awe wa ni setela ngu diwoko.

Masalmo 132:1

Mkoma, alakanya Dhavhidha ni sotshe sikarato sakwe!

Isaya 49:26

Se vaxanisi vako ni na va dyisa nyama yawe vapune, va na leviswa ngu mnoha wawe vapune, ku nga vhinya, se nyama yotshe yi na tiziva tito, ani ngani Mkoma, Muhanyisi wako, mtiruli wako, Nyamitamo wa Jakobe.

Joxuwa 17:18

ngu toneto, mimango i nava yanu, hambiko i ku txitinga, mi na txi sakata, ni tinzila ta kona ti na mi lumba. Kambe mi na tutumisa Vakanana, hambiko va ku ni makalitxhi a tisimbi ni kambe hambiko va ku ni mtamo.”

Valamuli 1:22

Se va nyumba ya ka Josefa ni vona, va to kwela va txi ya Bheteli, se Mkoma a ti ti kumweko navo.

2 Vafumeli 13:16

Se Elixa a to khene ka mfumeli wa ka Israyeli: Veka dianza dako aha ka wulaho; se a to veka dianza dakwe aha ka wulaho. Elixa a to sanzeka manza akwe txitimwi ka manza a mfumeli.