Genesisi 49:23 - Bhiblia Yo Sawuleka

²³ Vafuli va mpfisile kupanda, ngu ku mfuletela ngu tingove, ngu ku m'venga kwawe.

Genesisi 49:23 Referans Kwoze

Genesisi 37:24

Va to mñola va txi mtshotsha mu diphalani; i ti diphala da diphanga, mndani ka dona ku ti si nga ni mati.

Masalmo 64:3

Vale va nga lota tidimi tawe kufana ni matxhari va txi khwinza mapswi a livengo nga tingove.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Mithumo 14:22

Va ti tsimbila va txi tsanisa timbilu ta vagondiswa ni ku va laya ti to ve timisela amu ka likholo, nguko, kha vona, hi fanete kuamukela sixaniso sasingi, kasiku hi sikota kuwulela Mfumoni ka Txizimu.

Johani 16:33

Ni mi gete timhaka tiya kasiku, kwangu, mi va ni kudikha. Mi nava ni sixaniso mu ditikoni, kambe tsanani msana, ni di xute ditiko.”

Masalmo 118:13

Va ni susumetile ngu mtamo kasiku ni txi wa, aniko Mkoma a tile e ta ni vhuna.

Genesisi 42:21

Sekoko va to wombawombisana ngu txawe, va txi kha vona: “Kha ditshuri, ha tsayiswa ngu mhaka ya tile hi nga ti maha ka mnanda wathu, hi woni kuxaniseka kwakwe, mbimo yi a nga ti kombela divalelo; athu koko kha ha mu engisa; ngu mhaka yeto, sixaniso siya si hi telako.”

Genesisi 37:18

Vona va mu woni a di ngadi kule, se na a sanzi kuhoka hafuhi kwawe, va to langana ti to ve m'daya.

Genesisi 37:4

Vanawe ngako va txi wona ti to tate wawe a randa ngutu Josefa, kupinda votshe vamwani vanawe, va to khata ku m'vengela ngutu, va si lavi ni kuwombawomba nayo ngu kuthutha.

Genesisi 49:22

Josefa didhavi do veleka ngutu didhavi do veleka ngutu hafuhi ni mlonga; madhavi a dona ma navako txitimwi ka diguma.

Genesisi 49:24

Aniko wulaho wakwe wu zumbile wu di tsani, ni misiha ya mawoko akwe yi tsanisilwe, ngu manza a Ndena ya Jakobe (eho i ku M'dyisi ni Dirigwi da Israyeli.)