Genesisi 49:22 - Bhiblia Yo Sawuleka

²² Josefa didhavi do veleka ngutu didhavi do veleka ngutu hafuhi ni mlonga; madhavi a dona ma navako txitimwi ka diguma.

Genesisi 49:22 Referans Kwoze

Genesisi 41:52

Mwanana wa wumbidi, a mrayile ditina daku i Efrayime, a txi khene: “Txizimu txi ni mahile ni anda ngu vanana ditikoni muwa ka kuxupheka kwangu.”

Masalmo 128:3

Hagari ka mwaya wako, msikati wako a na fana ni m'vhinya wu wu nga veleka mauvha ni vanana vako, va na fana ni makhukhu a muolivha, ma randelako meza yako.

Genesisi 46:27

Vanana va Josefa vale a nga ya va mana Egipta mbambidi mtengo wawe. Ngu mhaka yeto, liveleko lotshe la Jakobe li a nga tsula nalo Egipta, li ti ti tshangana mtengo wa mtxhanu wa magumi ni mambidi a vathu.

Ezekhiyele 19:11

Wu ti ti ni tindonga to banga, tindonga to dingana vakhozisi, se wu to guleka hagari ka madhavi o txhuma, ku txi wonwa kuguleka ka wona ni madhavi a kona amangi.

Masalmo 128:1

A katekile awule a thavako Mkoma awu a londetako tinzila takwe.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Genesisi 48:5

Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu.

Genesisi 48:1

Msana ka toneto, ku mahekile tito, ve gela Josefa va txi kha vona: Tate wako wa lwala. Sekoko a to teka vanana vakwe va vambidi, Manasi ni Efrayime e tsula navo.

Genesisi 49:23

Vafuli va mpfisile kupanda, ngu ku mfuletela ngu tingove, ngu ku m'venga kwawe.

Masalmo 80:10

Mimango yi fenengetilwe ngu mtsudi wa m'vhinya se madhavi a wona me pinda kulapha ka mikedhari ya Txizimu.

Hoseya 13:15

Hambi ngako ene a txo ninga mihando ka vanawe, ku nata moya wa wutxani, Moya wa Mkoma, wu txi kwela ngu txiwulani, se ku na oma ni txibhuka txakwe, kambe ku na oma ni txisima txakwe, ene a handa thomba ka sotshe siya sawe sa lisima.

Genesisi 48:15

Se Israyeli a to katekisa Josefa, a txi khene: Txizimu txi va nga tsimbila masoni ka txona vatate vangu Abrahamu ni Isaake Txizimu txi i ku m'dyisi wangu kukhukhela ni txi velekwa kala ditshiku da nyamsi,