Genesisi 49:18 - Bhiblia Yo Sawuleka

¹⁸ Mkoma, ni verela kutirulwa ngu ngawe!

Genesisi 49:18 Referans Kwoze

Masalmo 119:174

Mkoma, ani ni vilela kuhanyiswa ngu ngawe, nguko mlayo wako wu tsakisa mbilu yangu.

Masalmo 119:166

Mkoma, ani ni rinzela kuhanyisa kwako, nguko ni xayisile sirumo sako.

Mika 7:7

Ani koko, ni verela ka Mkoma; ni na verela ka Txizimu txa kuhanyiswa kwangu; Txizimu txangu txi na ni engisa.

Isaya 25:9

Se ka ditshiku donedo, va na kha vona: Wonani Txizimu txathu, hi nga ti txi verela, txi na hi hulukisa; awuwa ngene Mkoma, wule hi nga txi m'verela; hi na m'guleta ni kutsaka, kuhanyisani kwakwe.

Masalmo 130:5

Ni verela Mkoma; Moya wangu wa m'verela, se ni verela dipswi dakwe.

1 Vatesalonika 1:10

mi txi verela Mwanana wa txona, wa kuta ngu nzumani, a nga wuka ngu ka vo fa, Jesu wu a nga hi hulukisa ha kuhenyelwani ka timbimo ti titako.

Luka 2:30

Nguko maso angu se ma wonile kuhanyisa kwako;

Luka 2:25

A ti ti ho m'thu Jerusalema a nga txi dhanwa ku i Simiyoni. Ene i ti wa kululama ni kutiningetela ka wukhongeli. Ene a ti ti rinzela kuthavelelwa ka Israweli, se Moya wo Sawuleka wu ti ti ni nene.

Luka 1:30

Se ngelozi yi wombile kwakwe yi txi kha yona: “Mariya, u nga thave, nguko u mani dithomo masoni ka Txizimu;

Matewu 1:21

a na veleka mwanana wa m'zambi, awu u no m'raya ditina daku i Jesu, nguko Ene a na hanyisa ngamu yakwe ka sionho sawe.”

Sidilo 3:25

Mkoma Txizimu ani wunene ka vale va mthembako, ka vathu vale va mlavako.

Masalmo 85:7

Hi kombe awe Mkoma, wumbilu wako u hi ninga kuhanyisa kwako!

Masalmo 40:1

Ni verete ngu themba ka Mkoma se ene a to nama kwangu a txi engisa miketo yangu.

Masalmo 14:7

O! I mani a no wuyisa ngu Siyoni, kuhanyiswa ka Israyeli! Mbimo yi Mkoma a no katekisa ngamu yakwe, vanana va Jakobe va na giya, ani va ka Israyeli va na tsaka.

Vagalatiya 5:5

I di athu, ha themba ti to Txizimu txi na hi maha valulami masoni ka txona ngu mtamo wa Moya wo Sawuleka wu thumako kwathu ngu konaho ka likholo.

Varoma 8:25

Ngako hi txi verela atxi hi si txi woniko, hi txi verela ngu kutimisela.

Varoma 8:19

Kha ditshuri, sotshe si si nga vangwa sa rinzela ni kunavela ti to Txizimu txi txi wonekisa vanana va txona ha kubasani.

Luka 23:51

awu a nga ti sa pfana navo ka malamulelo awe ni mthumo wawe. I ti wa Arimateya, didhoropa da Vajudha, awu a nga ti rinzela Mfumo wa Txizimu.

Marku 15:43

Josefa wa Arimateya, i nga ti didhota da nduma ka Dibanza, awuwa nene a nga txi rinzela Mfumo wa Txizimu, a to tsanisa mbilu e tsula ka Pilato eya kombela txirumbi txa Jesu

Isaya 36:8

Konkuwa koko, ningela vo ñolwa ka nyamne wangu, mfumeli wa Asiriya, se ni na kuninga 2.000 wa mahantxhi, ngako u txi ma ningela ka vagadhi va ona.

Isaya 33:2

Mkoma hi mahele wumbilu! Hi verete; u nave awe mtamo wathu ditshiku ni ditshiku, kambe uva m'hulukisi wathu, ka mbimo ya kuxaniseka.

Isaya 8:17

Se ni na themba Mkoma wu a nga sisela khohe yakwe va nyumba ya ka Jakobe, ni na verela kwakwe.

Masalmo 123:2

Kufana ni maso a sithumi sa vavamna ma wonetelako manza a vanyamne va sona kufana ni maso a sithumi sa vavasikati ma wonetelako manza a vahombe va sona, kufana ni toneto nanathu, maso athu ma wonetela Mkoma, Txizimu txathu, kala kuza txona txi txi hi pfela wusiwana.

Masalmo 119:41

Mkoma Txizimu, wumbilu wako wu nate kwangu; u txi ni hanyisa madingano ni txithembiso txako.

Masalmo 62:5

Moya wangu wu themba Txizimu dwe; kuthemba kwangu kuta ngu ka txona

Masalmo 62:1

Moya wangu wu themba Txizimu dwe; kuhanyiswa kwangu kuta ngu ka txona.

Isaya 30:18

Ngu mhaka yeto, Mkoma a na verela ku mi mahela wumbilu; kambe ngu kumaha keto, a na guletwa kasi ku e mi pfela wusiwana, nguko Mkoma Njizimu to dinganisa. Va katekile votshe vale va thembako kwakwe.

Genesisi 49:17

Dhani a na va mnyoka hafuhi ni nzila, xaru hafuhi ni dipfhela yi lumako txizenende txa dihantxhi, se m'gadhi wa dona a txi wa ngu nyatxisane!

Eksodha 15:2

Mkoma mtamo wangu ni ndando yangu; ngene a nga ni hanyisa; ene ngene Txizimu txangu; ngu mhaka yeto ni na muakela nyumba; ngene Txizimu txa tate wangu; ngu mhaka yeto, ni na m'dhumisa.

Mavingu 14:32

Muonhi a na tshotshwa ngu wubihi wakwe, aniko awule wo lulama kala kufani kwakwe a ni themba.

Hoseya 12:7

Ene, mxavisi wokari, a ni txikalo txo kanganyisa manzani kwakwe; ene a dhunda kuxanisa.