Genesisi 49:15 - Bhiblia Yo Sawuleka

¹⁵ Se ene a pfa kutshamba ka kuhumula, ni ti to ditiko da tsakisa, se a to releta dikata dakwe kasi kupakata thundu a txi ti maha khumbi.

Genesisi 49:15 Referans Kwoze

Matewu 23:4

Va sunga mirwalo yo nemela ni yo karata kurwala, ve yi rweka ha makata ka vathu, aniko vona kha va yi zinginisi hambi ngu litiho.

Ezekhiyele 29:18

Awe mwanana wa m'thu, wona taku, Nebhukodhonosori mfumeli wa Bhabhilona, a mahile ti to dibutho dakwe di txi maha mthumo wa hombe wa kuxasela Tiro; veza ve kuluwuka ni misisi ve maha tigwayi, ku pshwerukela ni makata, aniko Nebhukodhonosori kha nga wuyelwa ngu txilo kona Tiro, hambi ni dibutho dakwe, ka mthumo wule di nga maha wa kuwukela Tiro.

Masalmo 81:6

“Ni humutile makata ako kurwala mrwalo wa kunemela; ni humutile manza ako kurwala masaka.

2 Samuwele 7:1

Se ku to maheka tito, ngako mfumeli Dhavhidha a di zumbile nyumbani kwakwe, Mkoma a to mninga kuhumula ka votshe valala vakwe ngu madhawa otshe,

Valamuli 3:11

Sekoko ditiko di to humula mune wa magumi a malembe; se Otoniyeli, mwana Kenazi, a to fa.

Joxuwa 14:15

Se kale, ditina da Hebroni i ti ti Kiriyati-Aribhe; Aribhe i ti m'thu wa hombe ngutu hagari ka va ka Anaki. Se kukhukhela konako ditiko di to humula tiyimbi.

Genesisi 49:14

Isakari i mbongola ya marambu a mtamo, yi nga otela hagari ka tithundu timbidi.

Genesisi 49:16

Dhani a na lamula timhaka ta vathu vakwe, nguko mmweyo wa tihunzu ta ka Israyeli.

Mavingu 12:24

Manza a vale va wunene ma na thangela vamwani, aniko vakanganyisi va na va sithumi.

Isaya 31:8

Se Asiriya a na wiswa ngu ditxhari, na i si nga ngu m'thu; ditxhari di di si lumbiko m'thu di na mlovisa, kambe a na tutuma masoni ka ditxhari, ni mazambi akwe ma na xulwa.