Genesisi 49:11 - Bhiblia Yo Sawuleka

¹¹ Ene a na sunga tximbongolana txakwe ka m'vhinya, ni mwanana wa mbongola ka m'vhinya wo tshura ngutu; a na kuwula syambalo sakwe amu ka m'vhinya wale wa txhuko, a txi kuwula didhamba dakwe amu ka mauvha o nga mnoha.

Genesisi 49:11 Referans Kwoze

Mtuletelo 7:14

Ani ni to angula ni txi khani: “Mkoma wangu, awe ngawe u ti zivako.” Se ene a ti khene: “Avava, ngu va va tako ngu kuxanisekani ka hombe; va nga kuwula syambalo sawe, ve si basisa ngu mnoha wa Txinvutana.

Joyeli 3:18

Se ku na maheka taku ka ditshiku dile, mimango yi na vhelisa vhinya ya yiphya, simangwanani ku na khulunga masi, yotshe minambo ya ka Judha yi na va yi di tate ngu mati; se ku na huma txisima ngu Nyumbani ka Mkoma txi theletela mkovani ka Sitime.

Mtuletelo 19:18

Mi ta dya nyama ya vafumeli, nyama ya tinduna, nyama ya va nyamitamo, nyama ya mahantxhi ni ya vagadhi va ona, nyama ya votshe vathu, vathuseki ni tikhumbi, vavadotho ni vahombe.”

Mika 4:4

Se dimwani ni dimwani di na khalahatsha hahatshi ka m'vhinya wa dona, ni hahatshi ka mkuwu wa dona, se kha ku na mbi va ni wo va dhukisa, nguko txisofu txa Mkoma wa Mabutho a Tiyimbi, txi wombile.

1 Vafumeli 4:25

Se Judha ni Israyeli va ti zumba va di tsani, mmweyo ni mmweyo hahatshi ka mvhina wakwe ni mkuwu wakwe, kukhukhela Dhani kala Bhersebha, ka otshe masiku a Solomoni.

1 Vafumeli 4:20

Kunene, va ka Judha ni va ka Israyeli i ti vavangi, kufana ni mtxhefa wa mabambe ka linene, ngu wungi wawe, vedya, ve sela, ni kutitsakela.

2 Vafumeli 18:32

Kala mbimo yile ni nota mi heleketa ka ditiko do fana ni danu, ditiko da fulaho ni vhinya, ditiko da dipawu ni mindonga ya mihando, ditiko da miolivha, da mtona ni wulombe; se mi na hanyiseto kha mi na mbi fa; mi nga mu engiseni Ezekhiya, nguko wa mi kujetela a txi khene: Mkoma a na hi txhatxhisa.

Mtuletelo 14:20

Mauvha ma to ya sukwa nzekani yi nga ti hahanze ka didhoropa, se ngu ka yona nzeka yile ku to huma mnoha, awu ngu kutala ka wona wu nga hokela matomu a mahantxhi, wu txi hangalakisa toneto ka mnava wa mazana mararu a makilometru.

Genesisi 49:12

Maso akwe ma bhilivite ngu vhinya, makwasa akwe ma basile ngu mhaka ya masi.

Dhewuteronome 8:7

Wona, Mkoma Txizimu txako, a ku heleketako ka ditiko da dinene, ditiko do tala ngu sinambwana, ni sisima, ni maziva a mati, aale ma humako ma txi khulunga ngu mimangoni ni mu mikovani;

Dhewuteronome 8:8

ditiko di di pfunako fulaho ni sevhadha, da mivhinya ni mixanvu, ni miromani, ditiko da miolivha, ni mtona ni wulombe;

Dhewuteronome 32:14

bhotela ya tihomu ta mikati ni masi a mtxhambi, ni mafura a sinvutana ni sihambana, sa kuta ngu Bhasani, ni a vamabhongwe, ni mafura a mpupu wa wunene wa fulaho; kambe u sete mnoha wa mauvha, i ku vhinya ya yinene.

Amosi 9:13

Wonani ta ku mata masiku, kuwomba Mkoma, a ya awu a dimako, a na manela wule a elulaka; ni wule a ganyatelako mauvha, a na manela wule a phayako mbewu; mimango yi na vilisa vhinya, sotshe simangwana si na nyuka.

Mtuletelo 7:7

Va lihunzu la Simiyoni i ti 12.000 wa vathu; va lihunzu la Levhi i ti 12.000 wa vathu; va lihunzu la Isakari i ti 12.000 wa vathu.