Genesisi 49:1 - Bhiblia Yo Sawuleka

¹ Jakobe a dhani vanana vakwe e va gela tiya: Tshanganani nguko ni lava ku mi gela ti ti no mi humelela ka mbimo yi yitako,

Genesisi 49:1 Referans Kwoze

Mitengo 24:14

Konkuwa koko, ani na tsula ka vakakwathu, ngono ni ta kuzivisa ati vathu vava va no maha, ka vathu vako ka masiku o gwitisa.”

Dhaniyeli 10:14

Konkuwa ni tile ku ta ku gela ti ti no humelela ka vathu vako masiku a matako, nguko txiwoniso nja masiku a matako.

Jeremiya 23:20

Kuhenya ka Mkoma kha ku na mbi boxa na asi se maha ati ti xuvwako ngu mbilu yakwe; mi na ti zivisisa kha kwati ka masiku matako.

Dhewuteronome 4:30

Amu kukaratekani kwanu, ngako otshe makhombo awa ma txi mi humelela, ka sikhati so tala, mi na tshumelela ka Mkoma, Txizimu txako, kasi kuengisa dipswi dakwe.

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

Masalmo 105:15

“Mi nga gweseni ava ni nga va sawula, mi nga xupheni vaprofeti vangu.”

Masalmo 25:14

Mkoma a dhunda vale va mthavako ene wa va ninga kuziva Txitumelelano txakwe.

Dhewuteronome 31:12

Tshanganisa vathu, vavamna ni vavasikati, vanana ni valuveli vale va ku madhoropani kwano kasi kuva txi engisa ni kugonda kuthava Mkoma, Txizimu txanu, ve khutala kuxayisa otshe mapswi a Mlayo wuwa.

Vahebheru 1:2

Konkuwa, masikwanano, txi wombawombile kwathu, ngu Mwanana wa txona, awu txi nga mmaha txidya-thomba txa sotshe, awu kambe txi nga maha nzuma ni mafu ngu ngene.

2 Timoti 3:1

Kambe, ziva tiya: Ka masiku a kugwitisa ku na hoka timbimo to karata.

1 Timoti 4:1

Aniko Moya wa womba ngu kutsanisa ti to ka masiku awa ma tako vamwani va na hambana ni likholo, ve londeta mimoya yo kanganyisa ni tigondo ta vasathane.

Mithumo 2:17

‘Ngu masiku a magwito, kha Txizimu, ni na thela txitimwi ka votshe vathu, Moya wangu; vanana vanu va mazambi ni vamahorana va na profeta, vavaphya vanu va na wona siwoniso; ni sikosana sanu si na lora miloro.

Luka 2:26

A wonisilwe ngu wona Moya wo Sawuleka ti to kha na mbi fa a sanzi kuwona Mesiya wa Mkoma. Ene a to yiswa Dithepeleni ngu Moya wo Sawuleka.

Mika 4:1

Se ka masiku o gwitisa, ku na maheka to mmango wa Nyumba ya Mkoma, wu na vekwa txitimwi ka mmango, se wu na guleka txitimwi ka simangwana, kambe vathu va na tutumela ka wona.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Dhaniyeli 10:1

Ka dilembe da wuraru da kufuma ka Siro, mfumeli wa Persiya, dipswi di to ziviswa ka Dhaniyeli, awule a dhanwako ngu ditina daku i Bhelixazari; aniko dipswi ndinene, di kombisa yimbi ya hombe, se ene a to pfisisa dipswi diya, se e mana kupfisisisa txiwoniso.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Isaya 53:1

I mani a nga kholwa ka txhumayelo yathu kani? Niku diwoko da Mkoma di wonekisilwe ka mani kani?

Isaya 39:6

Wona, ma nata masiku awa aku, sotshe si nova si diho nyumbani kwako, si nga sengeletelwa ngu vatate vako kala ka ditshiku da nyamsi, si na tekwa si tsuliswa Bhabhilona; kha ku na mbi sala ni txa tximwetxo, kuwombile Mkoma.

Isaya 22:14

Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Vahebheru 13:1

Yanani masoni ngu kurandana nga vanawe.

Isaya 48:14

Sengeletanani anu motshenu, mi engisa: I mani hagari kwawe a khalako kuzivisa timhaka tiya, kani? Mkoma a mrandile, a na maha kuranda kwakwe txitimwi ka Bhabhilona, ni diwoko dakwe di na wukela Vakaldheya.