Genesisi 48:9 - Bhiblia Yo Sawuleka

⁹ Josefa a xamute, a txi khene: Mbanana vangu, ava Txizimu txi nga ta ni ninga ditikoni muwa. Jakobe a to engeta, a txi khene: Na ku kombela, va tise hafuhi kwangu, kasiku ni txi va katekisa.

Genesisi 48:9 Referans Kwoze

Genesisi 27:4

Ngako u di mani txihari, u nata ni bhikela sakudya so tshamba, asi ni si dhundako, u txi ta naso, kasi ni nata dya ni txi kukatekisa, ni sinzi kufa.

Genesisi 33:5

Mbimo yi Esawu a nga gula maso a txi wona vavasikati ni vanana, a to wotisa, a txi khene: “Mbamani vava u ku navo kani?” Jakobe a xamute, a txi khene: “Mbanana vangu, avava Txizimu txi nga ni ninga ani txithumi txako.”

Vahebheru 11:21

Ngu likholo, Jakobe, a di hafuhi ni kufa, a katekisile mmweyo ni mmweyo wa vanana va Josefa, a txi khozela na a di tshikite ahawa ka mtxheketelo wakwe.

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Masalmo 127:3

Vanana i thomba ya kuningwa ngu Mkoma Txizimu, liveleko i kateko ya ditshuri.

1 Makronika 25:5

Votshe vava i ti ti vanana va Hemani, m'huti wa mfumeli, ka mapswi a Txizimu, kasi ku a txi guleta mpundu. Txizimu txi to ninga Hemani digumi da vanana ni mune va vafana, ni vanana vararu vamahorana.

1 Samuwele 1:27

Ani ni ti kombela mfana wuwa; se Mkoma a xamute mkombelo wangu wule ni nga wu maha.

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.

Dhewuteronome 33:1

Kambe atxiya, njikatekiso a txi Mosi, m'thu wa Txizimu, a nga katekisa ngu txona vanana va ka Israyeli, na a sinzi kufa.

Genesisi 49:28

Votshe vava va tshanganisa digumi da tihunzu ni timbidi ta Israyeli, atiya timhaka ngu tona ti tate wawe a nga va gela. Ene a va katekisile, mmweyo ni mmweyo madingano ni fanelo yakwe.

Genesisi 30:2

Sekoko Jakobe a to henyela Rakeli, a txi khene: “U pimisa ti to ani ni ha wukhaloni ka Txizimu, txi txi nga kulambela liveleko kani?”