Genesisi 48:7 - Bhiblia Yo Sawuleka

⁷ Mbimo yi ni nga txi wuya ngu Padhani-Aramu, mame wako Rakeli a to fa hi di ngadi hagari ka nzila, ditikoni ka Kanana, hafuhi ni Efrata; se ani ni to m'kelela koneyo, nzilani ka kuya Efrata, i ku Bhetlehema.

Genesisi 48:7 Referans Kwoze

Matewu 2:18

“Huwa yi pfate Rama, kudila ni kupandiseka ka hombe: I Rakeli a dilako vanana vakwe asi tumeli ni kuthavelelwa, nguko vanana kha va nga ngadi ho.”

Genesisi 35:9

Txizimu txi to humelela kambe ka Jakobe, na ene a txi ta ngu Padhani-Aramu, txi txi mkatekisa.

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

1 Samuwele 17:12

Se Dhavhidha i ti ti mwanana wa wamwamna wokari wa Efrata, ka Bhetlehema wa Judha, awu ditina dakwe i nga ti ti Jese, a nga ti ti ni mtxhanu wa vanana ni vararu; se ka masiku a Sawule wamwamna wuwa a ti kumbile, i ti wa tanga ya hombe hagari ka vathu.

1 Samuwele 10:2

Nyamsi mbimo yi hi no hambana, u na mana vavamna vambidi hafuhi ni dithitha da Rakeli, ngu mhinganoni ka Bhenjamini, kona Zeliza; avale va no kha vona kwako: Timbongola tile u nga tsimbila u ti lava, ti manekile, wona taku tate wako a lekile kuvilela timbongola aniko a vilela anu, a txi khene: “Ni na maha txani ngu mwanana wangu kani?”

1 Samuwele 1:1

Ku ti ti ni wamwamna wa Ramatayimi-Zofini, wa mmangoni ka Efrayime, ditina dakwe i ti ti Elikana, mwanana wa Jerowamu, mwana Elihu, mwana Towu, mwana Zufe, Muefrata.

Rute 1:2

Wamwamna eyo ditina dakwe i ti ti Elimeleki, se ditina da msikati wakwe i ti ti Nowemi, se matina a vanana vakwe vavambidi vavafana, i ti ti Mahaloni ni Kiliyoni, va lihunzu la Efrata, ka Bhetlehema wa Judha; se va to ta aka ditikoni ka Mowabhi.

Genesisi 25:20

Isaake a ti ni mune wa magumi a malembe, mbimo yi a nga tekana ni Rebheka, mwana Bhetuweli, muaramu, wa Padhani-Aramu, ndiya ya Labhani, muaramu nene.

Genesisi 33:18

Jakobe, ngako a di humile ngu Pedhani-Arani, a to hoka ngu kudikha didhoropani ka Sikemi, ditikoni ka Kanana, e gova, e gwimba ditenda dakwe, hafuhi ni didhoropa.

Genesisi 35:20

Jakobe a to emisa dirigwi da txialakanyiso txitimwi ka dithitha, dirigwi da txialakanyiso txa dithitha da Rakeli, adi di kuho kala ni nyamsi.

Genesisi 48:6

Se liveleko lako, ali u no veleka msana ka vava, evo va na va i di vako; va na amukela ni vona txyavelo ka thomba yi yi lumbako vanawe.

1 Samuwele 16:4

Samuwele koko, a to maha tile a nga gelwa ngu Mkoma, se eya Bhethehema. Sekoko madhota a didhoropani ma to huma me mu hingeta, va txi dhudhumela, va txi kha vona: Ina wuta ngu kudikha kani?