Genesisi 48:5 - Bhiblia Yo Sawuleka

⁵ Akuwa, vanana vako vavambidi, avava u nga veleka ditikoni muwa ka Egipta, ani ni sanzi kuta ahawa kwako, ditikoni ka muwa Egipta, va na va i di vanana vangu; Efrayime ni Manasi va na va vangu, kufana ni Rubheni ni Simiyoni i ku vanana vangu.

Genesisi 48:5 Referans Kwoze

Joxuwa 14:4

Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho.

Genesisi 46:20

Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.

2 Vakorinto 6:18

“Aniko ni na va Tate wanu, anu mi na va vanana vangu va mazambi ni vamahorana,” kuwomba Mkoma wa Mtamo wotshe.

Joxuwa 13:7

Konkuwa koko, abanisela ditiko di txi maha thomba ya mtxhanu wa tihunzu ni mune, ni hafu ya lihunzu la ka Manasi.”

Vaefesu 1:5

Ngu txona Txizimu txi nga hi sikela ngu kale ti to hi na maha vanana va txona, va mafuyiwa, ngu Jesu Kristu, ngu wunene wa kuranda ka txona,

Malakiya 3:17

Se vona va na va vangu, kuwomba Mkoma wa Mabutho a Tiyimbi, ka dona ditshiku dile ni no maha mthumo wangu, va na va thomba yangu; ni na va divalela, ku nga m'veleki wu a divalelako mwanana wakwe, wu a thumelako.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Isaya 43:1

Se konkuwa, kuwomba Mkoma, wule a nga kuvanga, awe Jakobe, kambe a nga kuwumba awe Israyeli, a khene: U nga thave, nguko ani ni ku tirute; ni kudhani ngu ditina dako; awe u wangu.

Mitengo 1:10

Ka vanana va Josefa: Ka Efrayime, i Elisama, mwana Amiyudhe; ka Manasi, i Gamaliyeli, mwana Pedhazuri.

Levhi 20:26

Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

Vahebheru 11:21

Ngu likholo, Jakobe, a di hafuhi ni kufa, a katekisile mmweyo ni mmweyo wa vanana va Josefa, a txi khozela na a di tshikite ahawa ka mtxheketelo wakwe.

Genesisi 48:1

Msana ka toneto, ku mahekile tito, ve gela Josefa va txi kha vona: Tate wako wa lwala. Sekoko a to teka vanana vakwe va vambidi, Manasi ni Efrayime e tsula navo.

Genesisi 48:6

Se liveleko lako, ali u no veleka msana ka vava, evo va na va i di vako; va na amukela ni vona txyavelo ka thomba yi yi lumbako vanawe.

Ezekhiyele 47:13

Mkoma Txizimu a khene: Awuwa wu na va m'hingano wa ti mi no tekisa tona ditiko ni thomba, madingano ni digumi da tihunzu ni timbidi ta ka Israyeli. Josefa a na va ni madhawa mambidi.

Masalmo 77:16

Mbimo yi linene li nga kuwona awe Txizimu, li to thava; ni kutshimani ka mati ku to dhudhumela.