Genesisi 48:22 - Bhiblia Yo Sawuleka

²² Se ani ni ku ningile ditiko di di ku masoni ka vananu, adi ni ngadi honyola ka Vaamori, ngu ditxhari dangu ni wulaho wangu.

Genesisi 48:22 Referans Kwoze

Johani 4:5

Se a to hoka ka m'ti wumwani wa Samariya, awu wu dhanwako ku i Sikari, hafuhi ni thembwe yi Jakobe a nga ninga Josefa, mwanana wakwe. Konaho ku ti ni txisima txa Jakobe.

Joxuwa 24:32

Marambu a Josefa, aale vanana va ka Israyeli va nga ta nawo ngu Egipta, va ma kelete Sikemi, ka txitikwana txiya, Jakobe a nga ti xavile ka vanana va Hamori, tate wa Sikemi, ngu male ya dizana ya tisilivhela, se txitikwana txiya txi maha thomba ya vanana va ka Josefa.

1 Makronika 5:2

Nguko Judha i ti ti wa hombe hagari ka vanawe, se ngu kwakwe, ku to huma mthangeli; kambe wutiwula i ti wa Josefa),

Amosi 2:9

Kasi ngani ni nga va lovisela Vaamori, vathu vo lapha ku nga mindonga ya mikedhari, ni mitamo yo nga ya mikusu; kambe ni hoxotile mihando yawe ya txitimwi, ni mitwi yakwe ngu hahatshi.

Valamuli 11:23

Sekoko nga ku Mkoma Txizimu txa ka Israyeli, a nga honyola ka va ka Amori ditiko dawe, a txi di ningela ka vathu vakwe va ka Israyeli, se awe ngawe u no hi tekela kani?

Dhewuteronome 21:17

A na ninge wukhalo mwanana wa matiwula wa wule asi mrandiko, ngu kuva a txi mninga syavelo simbidi sa thomba, ya sotshe sile a ku naso, nguko eyo ngene i ku makhato a mtamo wakwe, ngene a ku ni fanelo ya wutiwula, wu wu mlumbako.

Genesisi 34:28

Va to teketela tinvuta tawe, ni tihomu tawe, ni timbongola tawe, ni sotshe asi si nga ti didhoropani ni si si nga ti tithembweni kwawe.

Genesisi 33:19

Se a to xava ka vanana va Hamori, tate wa Sikemi, ngu male ya dizana, thembwe yi a nga gwimba ka yona ditenda dakwe.

Genesisi 15:16

Vanana va liveleko lako la wumune va na wuya kambe kona muwa, nguko konkuwa wubihi wa Vaamori kha wu se hoka magwito ka wona.”

Ezekhiyele 47:13

Mkoma Txizimu a khene: Awuwa wu na va m'hingano wa ti mi no tekisa tona ditiko ni thomba, madingano ni digumi da tihunzu ni timbidi ta ka Israyeli. Josefa a na va ni madhawa mambidi.

1 Makronika 1:14

ni Vajebhusi, ni Vaamori, ni Vagirigasi,