Genesisi 48:19 - Bhiblia Yo Sawuleka

¹⁹ Aniko tate wakwe a to lamba, a txi khene: Ani na tiziva mwanangu, na tiziva; nene a na anda, kambe a na maha wa hombe; hambi keto, mnanda wakwe a na va i di wa hombe kupinda ene, ni liveleko lakwe li na maha mifumo yo tala.

Genesisi 48:19 Referans Kwoze

Dhewuteronome 33:17

Ene ana ni wudhumo wa didhuna da matiwula, titxheho takwe ti fana ni titxheho ta nyari; ngu tona a na lovisa votshe vathu ngu txikhati tximwetxo, kala magwito ka mafu; ngu vona i ku 10.000 wa va ka Efrayime, ni vava i ku magumi a mazana a va ka Manasi.”

Genesisi 25:28

Isaake a txi dhunda ngutu Esawu, nguko a txi tsakiswa ngu nyama yi a nga ti mxotela, kasi Rebheka a txi randa Jakobe.

Mtuletelo 7:8

Va lihunzu la Zebhuloni i ti 12.000 wa vathu; va lihunzu la Josefa i ti 12.000 wa vathu; va lihunzu la Bhenjamini i ti 12.000 wa vathu va nga vekwa txikombiso.

Mtuletelo 7:6

va lihunzu la Aseri i ti 12.000 wa vathu; va lihunzu la Naftali i ti 12.000 wa vathu; va lihunzu la Manasi i ti 12.000 wa vathu.

Ezekhiyele 27:10

Vapersa ni Validhiyo, ni va Pute, i ti ti masotxhwa ako; sitxhangu ni sigoko va hayekile kwako, va ku tshurisete ngu sona.

Isaya 7:17

Aniko Mkoma a na tisa txitimwi kwako, ni txitimwi ka vathu vako, ni txitimwi ka nyumba ya tate wako, ngu mfumeli wa Asiriya, masiku o nga ale, ma si khaliko kuta, kukhukhela ditshiku dile Efrayime a nga hambana ni Judha.

Dhewuteronome 1:10

Mkoma, Txizimu txanu, a mi andisile ti to nyamsi, se mi tate nga tinyeleti ta nzumani!

Genesisi 48:14

Aniko Israyeli a to hambanisa manza akwe, e nawuluta dianza dakwe da txinene e di sanzeka txitimwi ka msungo wa Efrayime, awu i ku mnanda, se e sanzeka dianza dakwe da txibhabha txitimwi ka msungo wa Manasi, awu i ku mwanana wa matiwula.

Genesisi 17:4

“Ngu didhawa dangu, nditxe txitumelelano txi ni txi mahako ni nawe, u na va tate wa matiko o tala.

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Genesisi 48:18

se Josefa a to womba ka tate wakwe, a txi khene: Hi nga tona, tata wangu, nguko awuwa ngene i ku matiwula: Veka dianza dako da txinene ha msungo kwakwe.

Genesisi 25:23

se Mkoma a to mxamula a txi khene: “Mndani kwako ku ni matiko mambidi, se tihunzu timbidi ti na abaneka mndani kwako: Lihunzu limwelo li nava ni mtamo kupinda limwani, mkoma wa kona a na khoziswa ngu mnada wakwe.”