Genesisi 47:9 - Bhiblia Yo Sawuleka

⁹ Jakobe a to xamula ka Faro, a txi khene: “Malembe a ku pepeseka kwangu ha mafuni, 130 wa malembe awa, ona madotho, aniko ma tate ngu sixaniso, kha ninzi kuhoka ka mtengo wa malembe awa vatate vangu va nga hanya ha mafuni.”

Genesisi 47:9 Referans Kwoze

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Genesisi 35:28

Kuhanya ka wutomi wa Isaake nga 180 wa malembe.

Masalmo 39:5

U ni ningile kuhanya masiku amadotho ngutu; masiku a kuhanya kwangu hi nga txilo masoni kwako. M'thu, hambi a txi tipfa a di tsani i mbukanganyisi wo gwita!

Jobe 14:1

M'thu wo velekwa ngu wamsikati masiku akwe madotho, kambe ma tate ngu sikarto.

Joxuwa 24:29

Msana ka totsheto, Joxuwa, mwana Nune, txithumi txa Mkoma, a to fa, a di ni tanga ya 110 wa malembe.

Dhewuteronome 34:7

Mosi a ti ti ni 120 wa malembe, mbimo yi a nga fa; maso akwe ma sa nga karala, ni mtamo wu sanga pwateka kwakwe.

Eksodha 7:7

Se Mosi i ti ti wa tanga ya mtxhanu wa magumi ni mararu a malembe, ani Aroni a ti ti ni mtxhanu wa magumi ni mararu, ni malembe mararu, mbimo yi va nga ya womba-womba ni Faro.

Eksodha 6:4

Kambe ni emisile txitumelano txangu navo, kasi kuvaninga ditiko da Kanana, ditiko di va nga zumba ka dona kota valuveli.

Genesisi 50:26

Se Josefa a fite a di ni tanga ya 110 wa malembe. Msana ka ku mtotela mafura a mrende, va to lulamisa txirumbi txakwe ve txi veketa dibhokisoni, kona Egipta.

1 Pedro 2:11

Na mi kombela, vo randeka ngutu, nga vaendi ni valuveli ditikoni muwa, mi leka kutiningetetela ka minavelo ya mmidi, ayi yilwako ni moya yotshe mbimo.

Jakobe 4:14

Anu, ni ka kudotho kha mi tizivi ti ti no maheka mangwana! Wutomi wanu nji txani, kani? Nguko anu mi hunguva yi yi humelelako mbimwanyana, yi txi hangalaka.

Masalmo 119:54

Milayo yako ya ni ninga kuthula tindando, ka diya ditiko ani ni ku mpindi wa nzila.

Masalmo 119:19

Ani ni mpindi ka diya ditiko; u nga ni sisele sirumo sako.

Genesisi 47:28

Jakobe a hanyile digumi da malembe ni mtxhanu ni mambidi ditikoni ka Egipta, kambe otshe malembe a tanga yakwe i ti 147.

Genesisi 11:11

Msana ka kuvelekwa ka Arifaxadhe, Semi a hanyile kambe 500 wa malembe, se e veleka vanana va majaha ni vamahorana.

Vahebheru 13:14

Nguko hahatshi hawa, kha hi nga ni didhoropa do tsana, aniko hi lava didhoropa di di tako.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

Genesisi 5:27

Kotshe kuhanya ka Metusela nga tanga ya 969 wa malembe, ngu msana a to fa.

2 Vakorinto 5:6

Ngu toneto, athu hi ni kuthemba yotshe mbimo. Ha tiziva ti to yotshe mbimo yi hi hanyako wutomi wa mmidi, hi maneka hi di kule ni Mkoma.

Genesisi 47:8

Faro a wotisile ka Jakobe a txi Khene: “Malembe a tanga yako ma ngani, kani?”

Masalmo 39:13

U nga ni ronokele kasiku ni mana kupepa, di sinzi kuhoka ditshiku da kufa, ni txi rura ha mafuni.