Genesisi 47:4 - Bhiblia Yo Sawuleka

⁴ Vona va to womba kambe ka Faro, va txi kha vona: “Hi tela ku ta aka ditikoni muwa kwako, nguko Kanana, mwani kwathu, kha kuswi ku di ni wudyiselo wa mitxhambi yathu, athu sithumi sako, ngu mhaka ya paya i ku ya hombe. Ha kombela ti to athu sithumi sako hi txi zumba ditikoni ka Goxeni.”

Genesisi 47:4 Referans Kwoze

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Genesisi 43:1

Nzala yi to xanisa ngutu ditikoni.

Mithumo 7:11

Se ku to humelela paya ni kuxaniseka ka hombe ditikoni ka Egipta ni Kanana, se vatate vathu ve pwata sakudya.

Masalmo 105:23

Sekoko Jakobe a to tsula ditikoni ka Egipta a ti ya hanya koneyo kota mluveli.

Mithumo 7:6

Txizimu txi mgete, txi txi kha txona: ‘Vatukulu vako va na ya luvela ditikoni ka vane, ve mahwa tikhumbi, ve xaniswa mndani ka mune wa mazana a malembe.

Isaya 52:4

Nguko Mkoma Txizimu a khene: Ka masiku ale ma nga pinda, vathu vangu va relete veya Egipta, kasi kuya luvela kona, se Asiriya a to va khozisa hahanze ka mnandu.

Genesisi 12:10

Ka ditiko donedo ku to humelela nzala, se Abramu a to relela a txi ya Egipta, kasi kuya zumba kona, ngako nzala i nga ti ya hombe ha mafuni.

Genesisi 47:5

Sekoko Faro a to womba ka Josefa, a txi khene: “Tate wako ni vananu va wuyile kheno kwako.

Genesisi 45:10

Mi na ya zumba Goseni, hafuhi ni nani, awe, ni vanana vako, ni vatukulu vako, tinvuta tako ni tihomu tako, ni sotshe si si kulumbako.