Genesisi 47:27 - Bhiblia Yo Sawuleka

²⁷ Ngu toneto, Israyeli a zumbile ditikoni ka Egipta, ka wukhalo wa Goxeni. Koneyo vona va to mana mipeto, va txi velekela, ve anda ngutu.

Genesisi 47:27 Referans Kwoze

Genesisi 46:3

Txizimu txi to kha txona: “Ani ngani Txizimu txa tate wako. U nga thave kutsula Egipta, nguko koneyo ani ni na ya tumbulukisa mfumo wa hombe ngu ngawe.

Eksodha 1:7

vanana va ka Israyeli va to velekelana ve anda ngutu; kambe va manekile va txi tala, ni kuva ni mtamo, aha koza ditiko da Egipta di txi tala ngutu ngu vona.

Mithumo 7:17

“Ngako yi nga ti hafuhi mbimo ya kutatiseka ka txithembiso txi Txizimu txi nga xambanyela Abrahamu, lixaka lathu li to kula ni kuanda Egipta,

Masalmo 107:38

Se Mkoma a to va katekisa a txi va andisa ngutu asi hunguli mtengo wa sihari sawe sa sifuyo.

Zakariya 10:8

Ani ni na va dhana ngu mloti, ni va sengeleta, nguko ni va tirute, se va na talelana, nga tile va nga ti talisile tona.

Masalmo 105:24

Txizimu txi andisile ngutu vathu va txona, txi va ninga mtamo wo pinda valala vawe.

Dhewuteronome 26:5

Sekoko awe u na womba ka Mkoma, Txizimu txako, u txi khawe: “Tate wangu, i ti Muaramu wa mpepeseki, ene a relete ditikoni ka Egipta, a txi ya aka kona, a di ni vathu vavadotho; ngu msana a mahile mfumo wa hombe, wa mtamo, wa vathu votala.

Genesisi 26:4

Ani ni na maha ti to liveleko lako li txi tala ha mafuni nga tinyeleti ta nzumani, otshe matiko awa ni na ninga vatukulu vako, se ngu mhaka yawe, mifumo yotshe ya ha mafuni yi na katekiswa,

Nehemiya 9:23

U engetete vanana vawe ve fana ni tinyeleti ta nzumani, se u va wuyisa ka ditiko di u nga ti gete vatate vawe ti to va na wulela ka dona ve di teka.

Dhewuteronome 10:22

Vakale vako i ti mtxhanu wa magumi ni mambidi dwe, mbimo yile va nga wulela ditikoni ka Egipta, konkuwa Mkoma, Txizimu txako, a ku andisile u txi tala nga tinyeleti ta nzumani.”

Eksodha 1:12

Aniko, hambiko Vaegipta va nga ti va xupha, Vaisrayeli va manekile va txi anda ni kukula; se Vaegipta va to karateka ngutu ngu mhaka ya vanana va Israyeli.

Genesisi 28:14

Liveleko lako li na tala nga lithulu la mafu, u na anda kala mswa-ditambo, ni wutxani, kala wuphemba ni wulambwe, ni tixaka totshe ta ha mafuni ti na katekiswa ngu mhaka yako ni mhaka ya liveleko lako.

Genesisi 17:6

Ani ni na andisa ngutu liveleko lako, ngu ngawe ni na tumbulukisa mifumo yo tala, hambi vafumeli va na humela kwako.

Genesisi 13:16

Liveleko lako ni na li maha li txi fanana ni lithulu la mafu. Ku walo wu a sikotako kubala lithulu la mafu, kufana ni toneto, kuwalo wu a no sikota kubala situkulwana sako.

Genesisi 8:9

Txituvani kha txa ya mana ko khandama kona, txi to wuya ka Nowa, txi ta wulela ngalavani, nguko ku ti ni mati txitimwi ka otshe mafu; ene a to nawuluta diwoko, e ñola txituvani e txi wuleta ngalavani amu a nga ti kona.

Genesisi 8:7

Se a to tulela digwana, adi di nga huma di puruma-puruma hahanze, di tshumela di wuya, kala kuza mati mephwa txitimwi ka mafu.

Genesisi 34:10

Mi na zumba ni nathu, ditiko diya di na va mtamoni kwanu: Mi na aka ka dona, mi txi maha wukwewu ni ku ti lavela tithomba.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 47:11

Josefa a to veka tate wakwe ni vanawe, ka wukhalo wa wunene ngutu ka otshe makhalo a ditikoni ka Egipta, ka wukhalo wa Ramesesi, madingano ni ti Faro a nga wombisa tona.