Genesisi 47:26 - Bhiblia Yo Sawuleka

²⁶ Josefa a to veka mthetho ngu mhakeyo, awu wu thumako kala ni nyamsi ka ditiko dotshe da Egipta: Ka mtxhanu wa tipimo ta sotshe si si elulwako mu tithembweni, mpimo wumwewo wu lumba Faro. Tshambi tithembwe ta vaphaxeli kha ta tekwa ti txi maha ta Faro.

Genesisi 47:26 Referans Kwoze

Genesisi 47:22

Aniko tithembwe ta vaphaxeli kha ti xava, nguko vaphaxeli va ti ni txyavelo txawe va nga txi ningwa ngu Faro, ngu mhaka yeto, vona kha va kurumetwa kuxavisa tithembwe tawe.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.

Genesisi 47:25

Vona va xamute va txi kha vona: Awe u hi hanyisile! Hi na mane mathomo masoni kwako tata, hi zumba hi di sithumi sa Faro.

Genesisi 14:20

Txi na bongwe Txizimu Nyatxitimwi txi nga ningela valala vako manzani kwako!” Se Abramu a to ninga Melkisedheki sa wugumi ka sotshe si a nga ti si mani.

Genesisi 28:22

ni dirigwi diya ni ngadi emisa di txi maha txialakanyiso, di na va i di Nyumba ya Txizimu, sotshe si u no ni ninga, ni na ku humisela sa wugumi ka sona.

Genesisi 41:34

Maha toneto awe Faro, u veka vathangeli ka dotshe ditiko, kasi ku va na veketa didhawa da wutxhanu ka ditiko da Egipta, mndani ka mtxhanu wa malembe ni mambidi a kupfuna.

Levhi 27:30

Sotshe si i ku sa didhawa da wugumi, asi i ku timbewu to elulwa amu tithembweni, mwendo mihando ya mindongani, nza Mkoma, si lumba Mkoma.

Mitengo 18:21

Wonani tito, vanana va ka Levhi ni vaningile sotshe sa wugumi si txi va thomba yawe, asi si humiswako sa miningelo ngu va ka Israyeli, ngu mhaka ya mthumo wu va mahako ditendani ka msengeletano.

Dhewuteronome 14:22

Ngu ditshuri u na ninga sa wugumi ngu ka mihando yako ya yiphya, ayi u no elula dilembe ni dilembe thembweni kwako.

Dhewuteronome 26:12

Ka dilemba da wuraru, dilembe da sa wugumi, ngako u di gwitile kuthavisa sa wugumi ka sotshe sile u nga elula, u na si ningela ka Mlevhi, ni ka mluveli, ni ka wo felwa ngu vatate, ni noni, kasi kuva txi dya, ve khura amu didhoropani kwako.

Ezra 7:24

Kambe ha mi zivisa ngu mhaka ya votshe vaphaxeli, ni Valevhi, ni vaembeleli, ni vaxayisi va matimba, ni Vanetine, ni vathumi va Nyumbani ka Txizimu, va si dinganiko kuresiswa, hambi kutheliswa mbasani.