Genesisi 47:23 - Bhiblia Yo Sawuleka

²³ Sekoko Josefa a to khene ka vathu: Wonani taku nyamsi ni mi xavile anu ni mafu anu, mi na lumba Faro; wonani taku mi ni mbewu, mi na phaya tithembweni kwanu.

Genesisi 47:23 Referans Kwoze

2 Vakorinto 9:10

Txizimu txi ningako mbewu ka mphayi, txi mninga ni sakudya, se txi na mi lavela mbewu txi yi milisa, txi txi andisa mihando ya kululama kwanu.

Matewu 24:45

“Ngu toneto, i mani i ku txithumi txo thembeka na a di ni wutxhari, awu a nga vekwa ngu nyamne masoni ka sithumi sakwe, kasiku e si phamela sakudya ngu txikhati txi txi fanelako kani?

Isaya 55:10

Nguko nga ti nzuma ni huguva si txhikako ngu nzumani, si si tshumeleli kona, aniko sa nakanisa mafu, si ma maha me ninga dibhindu, ni kumilisa, ni kuninga mbewu ka wule a phayako, ni sakudya ka wule adyako,

Ekleziyaste 11:6

Phaya mbewu yako i di ngadi mixo, se ni mitshikari, u nga khalahatshe ngu mawoko, nguko khu ti zivi to ku na mila yihi; mwendo ku na mila yiya, mwendo yile, mwendo kambe ti na mila ngu wumbidi wa tona.

Mavingu 13:23

Thembweni ka txisiwana ka pfuna sakudya, aniko vaho vokari va xanisekako ngu kupwata mapimo.

Mavingu 12:11

Awule a dimako mafu akwe a na khura ngu sakudya, aniko awule a londetelako mikara kha nga ni mapimo.

Mavingu 11:26

Awule a sengeletako fulaho wa ruketelwa ngu vathu, aniko kukateka ku nava ha msungo ka mxavisi.

Masalmo 112:5

A katekile m'thu wu a pfelako wusiwana e lombisa a tsimbitisako mabhindu ngu kululama ni ditshuri;

Masalmo 41:1

A katekile m'thu wu a alakanyako txisiwana; Mkoma a na m'hulukisa ka dikhombo.

Genesisi 45:6

Nguko se malembe mambidi, ku di humelete paya ha mafuni, kambe ku ngadi sate mtxhanu wa malembe a nzala, ahawa ku no mbi phaywa txilo, hambi kuelulwa txilo.

Genesisi 41:27

Se mtxhanu wa tihomu ni timbidi ta vamakati, ta kuonda ni kubiha, ti nga ti ti huma msana ka tile, ti kombisa mtxhanu wa malembe ni mambidi; kufana ni mtxhanu wa mihumbo ni yimbidi ya kuoma ni kubiha, ni kuhiswa ngu moya wa wutxani; njikombiso txa mtxhanu wa malembe ni mambidi a nzala.

Genesisi 47:22

Aniko tithembwe ta vaphaxeli kha ti xava, nguko vaphaxeli va ti ni txyavelo txawe va nga txi ningwa ngu Faro, ngu mhaka yeto, vona kha va kurumetwa kuxavisa tithembwe tawe.

Genesisi 47:24

Aniko ngu mbimo ya kuelula, ka mtxhanu wa tipimo ta si mi nga elula, mi fanete kuninga Faro mpimo wumwewo, anu mi txi mana kudya, anu ni timwaya tanu, ni vanana vanu.