Genesisi 47:18 - Bhiblia Yo Sawuleka

¹⁸ Ngako di di pindile dilembe va to wuya kambe ka Josefa mwakani ka kona ve ta kha vona: “Kha hi sikoti ku kusisela txilo awe nyamne wathu: Male yathu yi gumile, sihari sathu ni sona sotshe si lumba awe nyamne wathu, ku to sala mimidi yathu ni tithembwe tathu dwe.

Genesisi 47:18 Referans Kwoze

Jeremiya 38:9

Mfumeli, nyamne wangu, vavamna vava kha va maha ta tinene ka totshe tile va nga mahela mprofeti Jeremiya, awule va nga mtshotsha diphalani; a na fa ngu nzala aha a ku kona, nguko kha ku ngadi ni mapawu amu didhoropani.

2 Vafumeli 6:26

Se mbimo yile a nga pinda mfumeli ngu ha digumani, wamsikati wokari a to peka huwa a txi khene: Ni lamulele awe mfumeli, nyamne wangu.

Genesisi 47:17

Sekoko va to tisa mitxhambi yawe ka Josefa, kasi ku ta xava ngu yona sakudya kwakwe! Josefa a amukete mahantxhi ni tinvuta, ni tihomu ni timbongola tawe, se ene a va hanyisile ka dilembe donedo ngu kuvaninga fulaho, se vona ve mninga sifuyo sawe.

Genesisi 47:19

Ina u na hi leka hi txi fa kona hawa masoni kwako, ni tithembwe tathu ti txi luza kani? Hi xave athu ni tithembwe tathu u txi hi ninga sakudya, hi na maha tikhumbi ta Faro. Aniko hi he mbewu kasi hi na hanya, hi si fi, ni ditiko di si mahi txiwula.”