Genesisi 47:17 - Bhiblia Yo Sawuleka

¹⁷ Sekoko va to tisa mitxhambi yawe ka Josefa, kasi ku ta xava ngu yona sakudya kwakwe! Josefa a amukete mahantxhi ni tinvuta, ni tihomu ni timbongola tawe, se ene a va hanyisile ka dilembe donedo ngu kuvaninga fulaho, se vona ve mninga sifuyo sawe.

Genesisi 47:17 Referans Kwoze

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

Isaya 31:1

Dikhombo ka vale va relelako Egipta kuya kombela kuvhunwa; kambe va thembako mahantxhi! Va ku ni themba ni sikotxikani, nguko i ku sasingi, ni vagadhi va mahantxhi, nguko mba mtamo ngutu; va singako ni mhaka ni Msawuleki wa ka Israyeli, kambe kha va lavi Mkoma.

Jobe 2:4

Sekoko Sathani a to xamula ka Mkoma, a txi khene: Didhowo ngu didhowo, se sotshe sile wamwamna a ku naso, a na diha ngu wutomi wakwe.

1 Vafumeli 10:28

Se va txi teka mahantxhi a Egipta me ningelwa ka Solomoni; mitxhambi yi txi xawa ngu vanyamakwewu va mfumeli, mxowo ni mxowo ngu mtengo wokari.

Eksodha 9:3

wona taku dianza da Mkoma di na peka mitxhambi yi yi ku bhuwani, ni mahantxhi, ni timbongola, ni makamelu, ni tihomu ni tinvuta, ngu mtungu wa hombe ngutu.

Genesisi 47:16

Konako Josefa a ti khene: “Tisani sifuyo sanu mi txi ta xava ngu sona sakudya, ngako male yi di gumile.”

Genesisi 47:18

Ngako di di pindile dilembe va to wuya kambe ka Josefa mwakani ka kona ve ta kha vona: “Kha hi sikoti ku kusisela txilo awe nyamne wathu: Male yathu yi gumile, sihari sathu ni sona sotshe si lumba awe nyamne wathu, ku to sala mimidi yathu ni tithembwe tathu dwe.