Genesisi 47:16 - Bhiblia Yo Sawuleka

¹⁶ Konako Josefa a ti khene: “Tisani sifuyo sanu mi txi ta xava ngu sona sakudya, ngako male yi di gumile.”

Genesisi 47:16 Referans Kwoze

Vakolosa 4:5

Hanyani ngu wuzivi ni va va ku hahanze, mi txi londola ta tinene mbimo yi mi ku ka yona.

Vafilipiya 4:8

Vanathu, ngu kugwitisa, ni khani: Totshe ti i ku ta ditshuri, totshe ti i ku ta lisima, totshe ti i ku ta kululama, totshe ti ti dhundekako, totshe ti ti ku ni nduma ya yinene, totshe ti i ku ta mahanyelo amanene ni kudhumiseka, ngu toneto mi fanelako kuzumba mi txi ti alakanya.

1 Vakorinto 10:32

Mi nga maheni txionho txo humba Vajudha, mwendo Vagriki, mwendo va Dibanza da Txizimu.

Mavingu 12:17

Awule a wombako ditshuri a kombisa wululamo, aniko fakazi ya makuhu ya kanganyisa.

Genesisi 47:15

Mbimo yi male yi nga guma ditikoni ka Egipta ni ditikoni ka Kanana, votshe Vaegipta va tile ka Josefa va txi ta kha vona: “Hi he sakudya! Ina u na hi leka hi txi fa ngu nzala masoni kwako nguko hi ku si nga ni male, kani?”

Genesisi 47:17

Sekoko va to tisa mitxhambi yawe ka Josefa, kasi ku ta xava ngu yona sakudya kwakwe! Josefa a amukete mahantxhi ni tinvuta, ni tihomu ni timbongola tawe, se ene a va hanyisile ka dilembe donedo ngu kuvaninga fulaho, se vona ve mninga sifuyo sawe.