Genesisi 47:14 - Bhiblia Yo Sawuleka

¹⁴ Sekoko Josefa a to sengeleta male yotshe ayi yi nga ti ti ho ditikoni ka Egipta ni ditikoni ka Kanana, yi va nga ti xava ngu fulaho, se maleyo a ti ti yi veka nyumbani ka Faro.

Genesisi 47:14 Referans Kwoze

Genesisi 41:56

Na ku di ni nzala koko ka dotshe ditiko, Josefa a to tula sizenda sotshe sa fulaho, a txi xavisela Vaegipta; nguko nzala yi ti ti simama ditikoni ka Egipta.

1 Pedro 4:10

Kota vaxayisi vavanene va tikateko ta Txizimu, mmwani ni mmwani kwanu a na vhune vakwawe ngu txiningo txi a nga hiwa.

1 Vakorinto 4:2

Se vaaveli ta laveka va txi maneka i di vo thembeka.

Genesisi 47:15

Mbimo yi male yi nga guma ditikoni ka Egipta ni ditikoni ka Kanana, votshe Vaegipta va tile ka Josefa va txi ta kha vona: “Hi he sakudya! Ina u na hi leka hi txi fa ngu nzala masoni kwako nguko hi ku si nga ni male, kani?”

Genesisi 41:57

Se otshe matiko ma txi ta Egipta, kasi ku ta xava sakudya ka Josefa, mbimo yile nzala yi nga ti ti simama ka otshe matiko.

Mavingu 11:26

Awule a sengeletako fulaho wa ruketelwa ngu vathu, aniko kukateka ku nava ha msungo ka mxavisi.