Genesisi 47:11 - Bhiblia Yo Sawuleka

¹¹ Josefa a to veka tate wakwe ni vanawe, ka wukhalo wa wunene ngutu ka otshe makhalo a ditikoni ka Egipta, ka wukhalo wa Ramesesi, madingano ni ti Faro a nga wombisa tona.

Genesisi 47:11 Referans Kwoze

Eksodha 12:37

Vanana va ka Israyeli va to khukha didhoropani ka Ramesesi, va txi tsula Sukote, vo dingana 600.000 wa vavamna, ku si balwi ni vafana.

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Genesisi 47:6

Ditiko da Egipta di mtamoni kwako: Akisa tate wako ni vananu, ka wukhalo wa wunene. Va na ake ditikoni ka Goxeni. Se ngako, u txi ziva ti to hagari kwawe ku ni vavamna va mtamo, u na va veka ve maha vahombe va mitxhambi ya sifuyo sangu.”

Johani 17:24

Tata, ni dhunda ti taku avale u nga ni ninga, ve va ni nani, ahawa ani ni ku kona, kasiku ve wona kuphatima kwangu, kuphatima kuwa u nga ni ninga awe; nguko awe u ni randile u sanzi kuvanga ditiko.

Johani 17:2

nguko u mu ningile mtamo txitimwi ka votshe vathu, kasiku e ninga wutomi wo mbi guma ka votshe vale u nga mninga.

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Johani 14:2

Mtini ka Tata ku ni makhalo amangi. Idiku i si nga toneto, nga ni di mi gete. Na tsula kuya mi lulamisela wukhalo.

Johani 10:28

Ani na ti ninga wutomi wu wu si gumiko. Txima kha ti na mbi lova ni ditshiku ni da dimwedo, kambe kha ku na m'thu wu a no ti honyola manzani kwangu.

Johani 10:10

Dikhamba di tela ku ta pa ni ku ta daya ni ku ta vhandamusa basi. Ani ni tete ku ta ti ninga wutomi, ti txi mana kuhanya ka kuenela.”

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

Genesisi 47:27

Ngu toneto, Israyeli a zumbile ditikoni ka Egipta, ka wukhalo wa Goxeni. Koneyo vona va to mana mipeto, va txi velekela, ve anda ngutu.

Mitengo 33:3

Ngu mtxima wo khata, va to khukha ngu Ramisesi, i ti ditshiku da digumi ni mtxhanu, ka mtxima wo khata. Mangwanani ka kona, i ti ditshiku da Pasika, va to huma vanana va ka Israyeli ngu dianza do guleka, masoni ka votshe Vaegipta,

Isaya 22:24

Va na hayeka txitimwi kwakwe wotshe wudhumo wa nyumba ya tate wakwe, makhukhu ni tiveleko, sotshe sikadyana, kukhukhela ka majingo kala ka mabhojela.