Genesisi 46:5 - Bhiblia Yo Sawuleka

⁵ Sekoko Jakobe a to khukha ngu Bherisebha. Se vanana vakwe, va to teka Jakobe tate wawe, vatukulu vakwe ni va maane vakwe, ve va kwelisa amu ka sikotxikani aawa Faro a nga ti ma rumete, kasi ku ta va teka.

Genesisi 46:5 Referans Kwoze

Genesisi 45:21

Vanana va ka Israyeli va to maha toneto. Josefa a va lulamisete sikotxikani madingano ni kuruma ka Faro, e va ninga ni timbuva ta nzila.

Genesisi 45:19

Awe Josefa, va gele kambe u txi khawe: Mahani tiya: Tekani sikotxikani sa ditikoni muwa ka Egipta, mi na ya sikota kuwuya ni vanana vanu ni vasikati vanu, ni tate wanu,

Genesisi 45:27

Kambe vona va to xawutela otshe mapswi ale Josefa a nga va gela, se mbimo yi a nga wona sikotxikani si Josefa a nga si rumela kasi kuya mteka, ngu kona moya wa tate wawe wu nga sala kuwuka.

Eksodha 10:26

Ni sona sifuyo sathu hi na tsula naso; kha ku na mbi sala hambi ni txala txathu, nguko hi na ya thavisa koneyo asi hi felako kukhozela ngu sona Mkoma, Txizimu txathu, hambi athu hi fanete kuya thavisa ka sona asi Mkoma a ku ni fanelo yo mahelwa mphaxo ngu sona, ngako hi di hokile koneyo.”

Eksodha 10:24

Sekoko Faro a to dhana Mosi ni Aroni a txi va gela tiya: “Tsulani, mi txi ya khozela Mkoma, Txizimu txanu. Ku na sale mitxhambi ya tinvuta ni ya tihomu dwe; vanana vanu tsulani navo.”

Mithumo 7:15

Se Jakobe a to kwitima eya Egipta, eya fela kona, ene ni vatate vathu.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

1 Samuwele 12:8

Mbimo yile Jakobe a nga wulela Egipta, vatate vanu va to dila ka Mkoma, se Mkoma a to rumela Mosi ni Aroni, i ku vona va nga humisa vatate vanu Egipta ve ta va veka ka wukhalo wuwa.