Genesisi 46:32 - Bhiblia Yo Sawuleka

³² Vathu vava mbadyisi, mthumo wawe ngu kuxayisa mitxhambi yawe ya sifuyo. Ngu mhaka yeto, va bwakile ni tinvuta tawe, tihomu tawe, ni sotshe si si va lumbako!

Genesisi 46:32 Referans Kwoze

Genesisi 47:3

Sekoko Faro a to khene ka vanawe: “Ngu wuhi mthumo wanu kani?” Vona va to xamula va txi kha vona: “Athu sithumi sako hi vadyisi va tinvuta, athu hotshethu ni vatate vathu.”

Zakariya 13:5

Aniko va na kha vona: Kha ni nga mprofeti, ni m'dimi wa mafu; nguko ni txithumi kukhukhela wuphyani kwangu.

Isaya 40:11

A na dyisa mtxhambi wakwe kufana ni m'dyisi; a na sengeleta sinvutana mawokoni kwakwe, e si khutarela hakhana kwakwe; a na gola kha kwati ati ti mamisako.

1 Vafumeli 9:27

Hiramu a to rumela amu ka sitataru sile sithumi sakwe, vatsimbitisi va tingalava va nga tiziva kha kwati linene, ni sithumi sa Solomoni.

1 Samuwele 17:15

Kambe Dhavhidha a ti tiya ka Sawule, a txi tshumela e wuya Bhetlehema ku ta dyisa tinvuta ta tate wakwe.

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Genesisi 46:34

“Sekoko mi na khanu: Athu sithumi sako, hi vafuyi va sifuyo, kukhukhela ha wananani kwathu kala nyamsi, ngu wonewo mthumo wathu, hotshe ni vatate vathu. Wombisani toneto kasiku mi na mana kuya zumba Goxeni, nguko Vaegipta kha va dhundi vathu va i ku vadyisi.”

Genesisi 45:10

Mi na ya zumba Goseni, hafuhi ni nani, awe, ni vanana vako, ni vatukulu vako, tinvuta tako ni tihomu tako, ni sotshe si si kulumbako.

Genesisi 37:2

Ngu tiya tiveleko ta Jakobe: Josefa a ti ni tanga ya digumi da malembe ni mtxhanu ni mambidi, ene a txi dyisa tinvuta ta tate wakwe, kumweko ni vanawe, vanana va Bhiliha ni Zilpa, vasikati va tate wakwe; Josefa a ti ti geletela tate wakwe timhaka to biha, ati vanawe va nga txi ti mahetela.

Genesisi 31:18

A txi gola wotshe mtxhambi wakwe wa sifuyo, ni sotshe simaha si si nga ti mlumba, wotshe mtxhambi wu i nga ti wakwe, awu a nga ya wu mana ditikoni ka Padhani-Aramu e tsula ka Isaake tate wakwe, ditikoni ka Kanana.

Genesisi 9:20

Se Nowa a to maha m'dimi wa mafu, e phaya mivhinya.

Genesisi 4:2

Se a to veleka mwanawe, Kayini. Abhele a to maha m'dyisi wa tinvuta, Kayini eva m'dimi wa mafu.

1 Samuwele 16:11

Samuwele a to engeta a txi khene ka Jese: Vagumile votshe vafana vako kani? Se Jese a to khene: Ku ngadi sate mnanda wa kona, a ku kudyisani ka tinvuta. A to khene koko Samuwele ka Jese: Rumela m'thu wo ya m'dhana, nguko kha hi na mbi khalahatshi ha mezani kala kuza a txi hoka hawa.

Genesisi 46:31

Ti di ngeto, Josefa a to womba ka tate wakwe, ni ka vanawe ni ka ngamu yotshe ya tate wakwe, a txi khene: Ani ni na tsula ni txi ya zivisa Faro ku khani: Tate wangu ni yotshe ngamu yakwe, avale va nga ti ditikoni ka Kanana, va wuyile kheno kwangu.

Genesisi 46:33

Se ngako Faro a txi mi dhana a txi mi wotisa ku khene: “Ngu wuhi mthumo wanu kani?”