Genesisi 46:29 - Bhiblia Yo Sawuleka

²⁹ Sekoko Josefa a to lulamisa txikotxikani txakwe a txi kwela ka txona, e hingeta tate wakwe Israyeli, ditikoni ka Goxeni. Mbimo yi a nga mu wona, a to ya khutarela tate wakwe ngu thamoni kwakwe, a txi mpswopswa, e maneka a txi dila mbimo yo lapha, a di khutarete tate wakwe mawokoni kwakwe.

Genesisi 46:29 Referans Kwoze

Luka 15:20

Se a to khukha, a txi tsula ka tate wakwe.” “Se ene a di ngadi kule, tate wakwe a to mu wona, a txi mu pfela wusiwana, a to tutuma a txi ya mu wukarela ngu mu ka thamo, a txi mu pswopswa.

Genesisi 33:4

Sekoko Esawu a to tutuma e hingeta mnanda wakwe Jakobe, a to mñola, e mkhutarela, a txi mpswopswa, va txi dila ngu wumbidi wawe.

Mithumo 20:37

Votshe va to khata kudila ngutu, va txi demberela m'thamoni ka Paulo,

Genesisi 45:21

Vanana va ka Israyeli va to maha toneto. Josefa a va lulamisete sikotxikani madingano ni kuruma ka Faro, e va ninga ni timbuva ta nzila.

Genesisi 45:19

Awe Josefa, va gele kambe u txi khawe: Mahani tiya: Tekani sikotxikani sa ditikoni muwa ka Egipta, mi na ya sikota kuwuya ni vanana vanu ni vasikati vanu, ni tate wanu,

Genesisi 41:43

A to maha ti to Josefa e kwela ka txikotxikani dakwe da wumbidi a nga ti ti nado, na ku txi huwelelwa masoni kwakwe, va txi kha vona: “Abreki” Khizamani. Ngu toneto, Josefa a to vekwa e mahwa mthangeli wa ditiko dotshe da Egipta.

Genesisi 43:30

Josefa a to kuluveta a txi huma nguko a ti hefemuteka, ngu mhaka ya mnanda wakwe, ni mirongo yi to khata kuhuma, se a to wulela txibhiyani kwakwe a txi ya dilela kona.

Genesisi 45:2

Se ene a to guleta dipswi a txi dila ngutu ahawa ka kuza Vaegipta vavangi ve mu engisa, dipswi di pfala ni m'tini ka Faro.

Genesisi 46:30

Se Israyeli a to khene ka Josefa: “Konkuwa ni na fa ni di tsakile, nguko ni woni khohe yako, to u ngadi u txi hanya.”

Genesisi 50:9

Kumweko navo kutsute sikotxikani ni mahantxhi, ni vagadhi va ona: I ti dibutho da hombe ngutu.