Genesisi 46:20 - Bhiblia Yo Sawuleka

²⁰ Vanana vale Josefa a nga ya va mana ditikoni ka Egipta, i Manasi ni Efrayime, vo velekwa ngu Aseneti, mwana Potifera, mphaxeli wa Oni.

Genesisi 46:20 Referans Kwoze

Genesisi 41:45

Faro a to raya Josefa ditina, daku i Safaneti-Faneki, e mninga Asenati, mwana Potifera mphaxeli wa Oni, e maha msikati wakwe. Se Josefa a to tsimbila-tsimbila ka ditiko dotshe da Egipta.

Genesisi 48:20

Ka ditshiku donedo, Jakobe a to va katekisa, a txi khene: Vaisrayeli va na thumisa matina anu, ngako va txi katekisa m'thu, va na kha vona: Txizimu txi na ku katekise kufana ni Efrayime ni Manasi! Ti di ngeto, Jakobe a to thangetisa Efrayime masoni ka Manasi.

Genesisi 46:19

Va Rakeli, msikati wa Jakobe, ngu vava: Josefa ni Bhenjamini.

Joxuwa 14:4

Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho.

Joxuwa 17:1

Lihunzu la ka Manasi awule i nga ti matiwula a Josefa, li ningilwe ni lona txyavelo txa lona, Makiri, matiwula a Manasi, awule i ku tate wa Gileyadhi ni Bhasani.

Ezekhiyele 30:17

Majaha a Avheni ni a Pi-Bheseti va na dawa ngu ditxhari, se madhoropa awa ma nava wukhumbini.

Genesisi 48:1

Msana ka toneto, ku mahekile tito, ve gela Josefa va txi kha vona: Tate wako wa lwala. Sekoko a to teka vanana vakwe va vambidi, Manasi ni Efrayime e tsula navo.