Genesisi 46:2 - Bhiblia Yo Sawuleka

² Se Txizimu, amu ka txiwoniso txa wusiku, txi to m'dhana, txi txi kha txona: “Jakobe! Jakobe!” Ene a to orovela, a txi khene: “Ni ho!”

Genesisi 46:2 Referans Kwoze

Genesisi 15:1

Msana ka totshe tiya, dipswi da Mkoma di tile ka Abramu, ngu txiwoniso, di txi kha dona: “U nga thave awe Abramu, ani ngani txitxhavangu txako, hakhelo yako yi na va ya hombe ngutu.”

Mithumo 16:9

Se ni wusiku, Paulo a to wona txiwoniso: Wamwamna wa Makedhoniya masoni kwakwe, e mkombela, a txi khene: “Ngono Makedhoniya u ta hi vhuna.”

Mithumo 10:3

Ka ditshiku dokari a to wona txiwoniso ngu txikhati txo lava kuva txa wutxhanu ni mune; a to wona ta tinene Ngelozi ya Txizimu, yi txi mu tela, yi ta mu gela, yi txi kha yona: “Korneliyo!”

Mithumo 9:10

A ti ti ho kona Dhamasku mgondiswa wu a dhanwako ku i Ananiya; se Mkoma a to m'dhana ngu txiwoniso, a txi khene: “Ananiya!” Ene a txi orovela a txi khene: “Ni ho hawa, Mkoma.”

Mithumo 9:4

Se a to wa hahatshi, e pfa dipswi di txi: “Sawule, Sawule, u ni xanisela txani?”

Dhaniyeli 2:19

Sekoko txihunja txi to wonekiswa ka Dhaniyeli, amu ka mloro, ni wusiku; se Dhaniyeli a to dhumisa Txizimu txa nzumani.

Jobe 4:13

Mndani ka kupimisa ngu siwoniso sa wusiku, mbimo yile vavamna va manwako ngu wukohe wo tshima,

2 Makronika 26:5

Nguko a ti karatile ngu kulava Mkoma, ka masiku a Zakariya txizivi txa siwoniso sa Txizimu; ka masiku otshe ale a nga lava Mkoma, Txizimu txi to mkatekisa.

1 Samuwele 3:10

Sekoko Mkoma a to ta ema, e dhana kufana ni simwani sikhati, a txi khene: Samuwele, Samuwele! Se Samuwele a to xamula, a txi khene: Womba-womba, nguko txithumi txako txa engisa.

1 Samuwele 3:4

Mkoma a to dhana Samuwele, se ene a to khene: “Ngani wuwa hawa!”

Mitengo 24:4

kuwomba wule a nga pfa dipswi da Txizimu, awu a wonako siwoniso sa wa Mtamo-wotshe, awu mbimo yi awako, maso akwe ma tulekako.

Mitengo 12:6

Se a txi khene: “Konkuwa engisani mapswi angu; ngako ku ti ni mprofeti, ani Mkoma, ni na ti wonekisa kwakwe ngu txiwoniso, ni womba-womba nayo ngu mloro.

Genesisi 31:11

Ngelozi ya Txizimu yi ni gete ngu mloro yi txi kha yona: “Jakobe!” Se ani ni xamute ni txi khani: “Ni ho hawa!”

Genesisi 22:11

Aniko ngu nzumani yi to kwangula Ngelozi ya Mkoma yi txi kha yona: “Abrahamu! Abrahamu!” Ene a to orovela, a txi khene: “Ni ho hawa!”

Genesisi 22:1

Se msana keto timhaka, ku to maheka ti to Txizimu txi xola Abrahamu, txi m'gela tiya: “Abrahamu!” Ene a to orovela, a txi khene: “Niho hawa!”

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Mithumo 10:13

Se ku to pfala dipswi kwakwe, di txi kha dona: “Pedro, khukha u txi ema! Daya u txi dya!”

Genesisi 20:3

Aniko Txizimu txi to endela Abhimeleki ngu mloro, ni wusiku, se txi txi ta m'gela tiya: “U na fa ngu mhaka ya wamsikatiyo u nga mteka, nguko msikati wa wukati.”

Valamuli 7:2

Se Mkoma a to womba ka Gidhiyoni a txi khene: “Vathu vava u ku navo mbangi gutu, kasiku ani ni txi ningela Vamidhiyani manzani kwawe.” Nguko va ka Israyeli va nga ti guleta va txi kha vona: “Ngathu hipune hi nga ti hulukisa ngu manza athu.”

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.

Zakariya 1:8

Ni wusiku ni woni wamwamna a di gadhile dihantxhi do bhilivila, di di emile hagari ka mindonga ya mimurta, yi nga ti ti ka mkova wa hombe; se msana kwakwe ku ti ti ni mahantxhi o bhilivila, ni o bhilivilisa kunzihala, ni o basa.