Genesisi 46:1 - Bhiblia Yo Sawuleka

¹ Israyeli a to khukha ni sotshe si a nga ti naso. Ngako a di hokile Bherisebha, a to phaxa mhamba ka Txizimu txa Isaake tate wakwe.

Genesisi 46:1 Referans Kwoze

Genesisi 31:42

I ti ku Txizimu txa tate wangu, Txizimu txa Abrahamu, a txi Isaake, tate wangu, a txi thavako, txi ti si nga ni nani, awe nga u di ni humisile walo ni si nga ni txilo. Aniko Txizimu txi woni mikaralo yangu, ni mithumo ya manza angu, se hamnova txi ku kawukile.

Genesisi 28:13

Ngu txitimwi ka dinera Mkoma a ti emile, se, a txi khene: “Ani ngani Mkoma, Txizimu txa Abrahamu, tate wako, ni Txizimu txa Isaake. Ditiko di u nga otela ka dona, ani ni na di ningela kwako ni ka liveleko lako.

Genesisi 28:10

Jakobe a to khukha Bherisebha e tsula Harani.

Genesisi 21:33

Abrahamu a to phaya mndonga wa mtamargera, kona Bherisebha, se koneho a to dhumisa ditina da Mkoma Txizimu txo mbi na magwito.

Genesisi 21:31

Ngu mhaka yeto wukhalo wule va to wu dhana ku i Bherisebha, nguko va xambanyile koneho ngu wumbidi wawe.

Genesisi 21:14

Sekoko Abrahamu a to wuka ni mixo, e teka sakudya ni txibhembe txa mati e rweka Hagari, se a to m'belekisa mwanana, ngu msana a to mu humisa. Hagari a to huma e pepeseka mu txiwulani ka Bherisebha.

Jobe 42:8

Tekani koko mtxhanu wa marole ni mambidi, ni tihamba, mi tsula ka txithumi txangu Jobe, mi txi ya ningela mphaxo wo hiswa mipune, se txithumi txangu Jobe a na mi kombelela; nguko kutilava ni nga mtumelela, kasi ku ani ni si mi tshumeteli ngu wubihi wanu; nguko anu kha ma womba ditshuri ngu ngani, kufana ni txithumi txangu Jobe.

Jobe 1:5

Ku ti ti maheka ti to, ma di pindile masiku ale a mibuso yawe, Jobe a ti ko rumisa ti to, ve sawulekiswa, se e wuka ngu mabimbi-kutxa, e ningela miphaxo, madingano ni mtengo wawe votshe; nguko Jobe a ti ti khene: Va nga nda dhuka va di onhile vanana vangu se ve ruketela Txizimu timbiluni kwawe. Jobe a ti ti mahisa toneto yotshe mbimo.

1 Samuwele 3:20

Se dotshe ditiko da Israyeli, kukhukhela Dhani kala Bherisebha, va to ziva ti to Samuwele a vekilwe kumaha mprofeti wa Mkoma.

Genesisi 35:7

Koneyo a ti ya aka txiluvelo, e raya wukhalowo ditina daku i Eli-Bheteli, nguko ngu koneyo Txizimu txi nga ti wonekisa kwawe, mbimo yi a nga txi thava masoni ka mkomwakwe.

Genesisi 35:3

Se a hi khukheni hi kwela kuya Bheteli; ni na ya aka kona txiluvelo ka Txizimu, atxi txi nga ni emela mbimo yi ni nga ti ti pandiseka, kambe txi ni pangalatile, ka nzila yi ni nga yi tsimbila.

Genesisi 33:20

Se konaho a to aka txiluvelo, a nga txi raya ditina daku i “Eli-Txizimu txa Israyeli.”

Genesisi 31:53

Txizimu txa Abrahamu, Txizimu txa Nakori, Txizimu txa lihunzu la mmweyo wawe, txi na mahe mlamuli hagari kwathu.” Se Jakobe a to xambanya ngu Txizimu txi txi khozelwako ngu Isaake, tate wakwe.

Genesisi 22:13

Sekoko mbimo yile Abrahamu a nga gula maso, a to wona txihambana msana kwakwe, txi di khwekete ngu titxheho makhukhuni; Abrahamu a to ya teka txihambana txile, e txi ningela txi maha mhamba yo hiswa, txi txi tsiveta mwanana wakwe.

Genesisi 12:8

A di khukhile konaho a to ya ka mmango wu wu ku ngu didhawa da wutxani ka Bheteli, eho a to emisa ditenda dakwe, Bheteli ku txi zumbela mswa-ditambo, se Ayi, ku ti zumbela didhawa da wutxani. Koneho Abramu a to akela Mkoma txiluvelo, atxi khozela kona ditina da Mkoma.

Genesisi 8:20

Nowa a to akela Txizimu txiluvelo, e teka sihari sokari ka sotshe so sawuleka, ni ka sotshe sinyana so sawuleka, a txi maha mningelo wo hiswa ha txiluveloni.

Genesisi 4:4

Se Abhele nene a to ningela matiwula a tinvuta ta txibalani kwakwe, to nona. Mkoma a to wona ngu kutsaka Abhele ni mningelo wakwe;

Mithumo 7:15

Se Jakobe a to kwitima eya Egipta, eya fela kona, ene ni vatate vathu.

Genesisi 45:28

Israyeli a to womba, a txi khene: “Basi! Mwanana wangu Josefa a ngadi a txi hanya! Ni na tsula ni txi ya mu wona ni sanzi kufa!”

Amosi 7:9

Kambe makhalo o guleka a Israyeli ma na hoxotwa ni makhalo a vakhongeli va Israyeli ma na loviselwa magwito. Se na wukela nyumba ya ka Jerobhowamu ngu ditxhari.

Joxuwa 24:4

Isaake ni to mninga Jakobe ni Esawu. Esawu ni mningile mmango wa Sehire, kasiku wu txi maha thomba yakwe. Aniko Jakobe ni vanana vakwe va to relela ditikoni ka Egipta.

1 Samuwele 8:2

Se ditina da mwanana wakwe wa matiwula i ti ti Joyeli, kambe ditina da wa wumbidi i ti ti Abhiya; i ti valamuli kona Bherisebha.