Genesisi 45:8 - Bhiblia Yo Sawuleka

⁸ Ngu mhaka yeto, hi nganu mi nga ni rumela kheno, aniko Njizimu txi nga ni veka ni txi nga no va tate wa Faro, ni mthangeli wa nyumba yakwe yotshe, ni mfumeli wa ditiko dotshe da Egipta.

Genesisi 45:8 Referans Kwoze

Johani 15:16

Hi nga anu mi nga ni sawula, ani ngani ni nga mi sawula, ni txi mi rumela ti to mi ya veleka mihando, se mihando yanu yi txi zumba, kasiku, txihi ni txihi mi no kombela ngu ditina dangu, Tate a na mi ninga.

Varoma 9:16

Ngu toneto, kha ti yi ngu kuranda ka m'thu mwendo kutikarata kwakwe, aniko ti ta ngu ka Txizimu, atxi txi ku ni wumbilu.

Johani 19:11

Jesu a to xamula a txi khene: “Nga u si nga ni mtamo txitimwi kwangu, idiku u sa wu ningwa ngu ni txitimwi. Ngu toneto, awu a nga ni ningela kwako ana ni txionho txo pindisa.”

Jobe 29:16

ni ti ti tate wa sisiwana, ni londisela timhaka ta vale ni nga si va zivi;

Valamuli 17:10

Sekoko Mika a to m'gela ku khene: “Zumba ni nani, u maha tate wangu ni mphaxeli wangu; se dilembe ni dilembe ni na kuninga male ya digumi da tisilivhela, ni so ambala, ni sakudya.” Se Mlevhi a to wulela.

Genesisi 45:5

aniko konkuwa mi nga xanisekeni, mi nga thaveni ngu kuwa mi nga ni xavisa, ni txi tiswa kheno, nguko eto ti mahekile kasiku ni ta mi lulamisela wutomi wanu, ngu kurumwa ngu Txizimu, ti to ni thangela masoni kwanu.

Filimoni 1:15

Nguko, tximwani txikhati a tekilwe kwako ngu mbimonyana ya yidotho, kasiku u txi tshumela u mmana do gwita,

Isaya 22:21

Se ni na muambeka dibhaji dako, ni mtsanisa ngu libhande lako, ni ningela manzani kwakwe mfumo wako, se ene a na va tate ka vaaki va Jerusalema, ni ka nyumba ya ka Judha.

Genesisi 45:26

Sekoko va to m'gela va txi kha vona: “Josefa a ngadi a txi hanya, ngene a fumelako ditiko dotshe da Egipta!” Se mbilu ya Jakobe yi to dhuka, nguko a ti si kholwi ka tile va nga txi ti womba.