Genesisi 45:7 - Bhiblia Yo Sawuleka

⁷ Txizimu txi ni rumete masoni kwanu ka ditiko diya, kasi ku ta lulamisa txikungo, txo hulukisa lihunzu lanu ha mafuni, mi txi huluka, mi simama mi hanya ngu nzila yo xamalisa.

Genesisi 45:7 Referans Kwoze

Mithumo 7:35

“Mosi wuwa ngene wu va nga mkanyisa, va txi kha vona: ‘I mani wu a nga kumaha mfumeli ni mlamuli wathu kani?’ ” Ngene wu a nga rumwa ngu Txizimu kumaha mfumeli ni mtiruli wawe, ngu mtamo wa ngelozi yi yi nga mu humela txipoponi.

Masalmo 44:4

Txizimu, awe ngawe mfumeli wangu! Ninga kuxula ka vathu vako!

Masalmo 18:50

Txizimu txa ninga kuxula ka hombe ka mfumeli wa txona kambe txa komba lirando la hombe ka wule txi nga msawula, i ku Dhavhidha, ni lotshe liveleko lakwe kala kupinduka.

Valamuli 15:18

Se ngako a nga ti tipfa ditora da hombe, a to dila ka Mkoma a txi khene: “Ngu dianza da txithumi txako, awe u ningile kuhanyisa; konkuwa koko, ani ni na fa ngu ditora, ni na wa manzani ka vona va va kwa mbi ya wukwerani kani?”

1 Makronika 11:14

Va to ya ema hagari ka thembwe yile, va txi lwa, ve daya Vafilista; se Mkoma a to va ninga kuxula ka hombe.

Genesisi 45:5

aniko konkuwa mi nga xanisekeni, mi nga thaveni ngu kuwa mi nga ni xavisa, ni txi tiswa kheno, nguko eto ti mahekile kasiku ni ta mi lulamisela wutomi wanu, ngu kurumwa ngu Txizimu, ti to ni thangela masoni kwanu.

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Genesisi 47:12

Josefa a to xayisa tate wakwe, ni vanawe ni totshe timwaya tawe, ngu ku vaninga sakudya so enela, ka mtengo wa mwaya ni mwaya.