Genesisi 45:6 - Bhiblia Yo Sawuleka

⁶ Nguko se malembe mambidi, ku di humelete paya ha mafuni, kambe ku ngadi sate mtxhanu wa malembe a nzala, ahawa ku no mbi phaywa txilo, hambi kuelulwa txilo.

Genesisi 45:6 Referans Kwoze

Genesisi 47:23

Sekoko Josefa a to khene ka vathu: Wonani taku nyamsi ni mi xavile anu ni mafu anu, mi na lumba Faro; wonani taku mi ni mbewu, mi na phaya tithembweni kwanu.

Genesisi 41:56

Na ku di ni nzala koko ka dotshe ditiko, Josefa a to tula sizenda sotshe sa fulaho, a txi xavisela Vaegipta; nguko nzala yi ti ti simama ditikoni ka Egipta.

Genesisi 41:54

se me khata malembe a mtxhanu ni mambidi a nzala nga ti Josefa a nga ti wombisile tona; ka otshe matiko ku manekile nzala, aniko ka dotshe ditiko da Egipta ku ti ti ni sakudya.

Isaya 30:24

Se tihomu ni timbongola ti ti dimako mafu, ti na dya mafaka amanene ngutu, o vhuwa ngu mikondo, ni kutshindwa ngu txitshindo.

1 Samuwele 8:12

Se a na va veka kuva vathangeli va magumi a mazana ni va mtxhanu wa magumi; ni kuva vadimi va tithembwe takwe, ni kuelula siyalo sakwe, kambe va na mmahela matxhari a yimbi ni tisimbi ta sikotxikani sakwe.

Dhewuteronome 21:4

Madhota a didhoropa donedo ma na relela ni dirole, kala ka mkova wu ku ni txinambwana txa mati awa ma khulungako yotshe mbimo, ku nga mbi dimwa ni phaywa txilo ngu m'thu; se koneho, va na ganga thamo ya dirole ngu ha magondo.

Eksodha 34:21

U na thuma amu ka mtxhanu wa masiku ni dinwedo aniko ngu ditshiku da wutxhanu ni mambidi u na humula, hambi i di ditshiku da mbimo ya txidimo mwendo mbimo yo elula.

Genesisi 47:18

Ngako di di pindile dilembe va to wuya kambe ka Josefa mwakani ka kona ve ta kha vona: “Kha hi sikoti ku kusisela txilo awe nyamne wathu: Male yathu yi gumile, sihari sathu ni sona sotshe si lumba awe nyamne wathu, ku to sala mimidi yathu ni tithembwe tathu dwe.

Genesisi 37:2

Ngu tiya tiveleko ta Jakobe: Josefa a ti ni tanga ya digumi da malembe ni mtxhanu ni mambidi, ene a txi dyisa tinvuta ta tate wakwe, kumweko ni vanawe, vanana va Bhiliha ni Zilpa, vasikati va tate wakwe; Josefa a ti ti geletela tate wakwe timhaka to biha, ati vanawe va nga txi ti mahetela.

Genesisi 41:46

Josefa a ti ti ni tanga ya magumi mararu a malembe, mbimo yi a nga ya maneka masoni ka Faro, mfumeli wa ditiko da Egipta. Se a to khukha Josefa masoni ka Faro, e tsimbila-tsimbila ka dotshe ditiko da Egipta.

Genesisi 41:53

Sekoko ma to guma malembe ya kupfuna kuwa ku nga vaho ditikoni ka Egipta,

Genesisi 41:35

Va na sengeletela sakudya sotshe sa malembe awa amanene matako, va txi veketa fulaho ngu dianza da Faro, amu sizendani va na veketela silo madhoropani ve si xayisa.