Genesisi 45:5 - Bhiblia Yo Sawuleka

⁵ aniko konkuwa mi nga xanisekeni, mi nga thaveni ngu kuwa mi nga ni xavisa, ni txi tiswa kheno, nguko eto ti mahekile kasiku ni ta mi lulamisela wutomi wanu, ngu kurumwa ngu Txizimu, ti to ni thangela masoni kwanu.

Genesisi 45:5 Referans Kwoze

Genesisi 50:20

Kubiha kuwa mi nga pimisa ku ni mahela, ngu kuxuva ka Txizimu, ku hindukile ku txi maha wunene, kasiku ti txi woneka ti nyamsi ti mahekako, i ku kuhulukisa wutomi wa vathu votala.

Jobe 1:21

Jobe a to khene: Ni humile ngu mndani ka mwamwangu ni di tximbwiri, se ni na tshumelela kona kambe ni di tximbwiri; Mkoma a ningile, kambe Mkoma a tekile; di na guletwe ditina da Mkoma.

Luka 23:34

Se Jesu a ti ti khene: “Tata, va divalele, nguko kha va ti zivi ati va ti mahako.” Ngu msana, va to abanela syambalo sakwe, ngu kuxaxuva tixolo.

Genesisi 47:25

Vona va xamute va txi kha vona: Awe u hi hanyisile! Hi na mane mathomo masoni kwako tata, hi zumba hi di sithumi sa Faro.

2 Vakorinto 2:11

Kasiku hi si kanganyiswi ngu Sathani, nguko ha ma ziva marindi akwe.

2 Vakorinto 2:7

Se hambi ka toneto, anu m'divaleleni mi txi mtsanisa, kasiku asi pandiseki ngutu aha koza e guma mtamo.

2 Samuwele 17:14

Sekoko Abhisalome ni votshe vavamna va ka Israyeli va to kha vona: Mapswi a Husayi, muariki, ma pfala kupinda a Ayitofeli ( nguko Mkoma a rumisile toneto, kasi kutxhipisa mapswi amanene a Ayitofeli, kuva Mkoma e tisa dikhombo txitimwi ka Abhisalome).

2 Samuwele 12:12

Nguko awe u ti mahile txihujani, kambe ani ni na ti maha masoni ka votshe va ka Israyeli, ni mitshikari.

1 Samuwele 1:19

Se va to wuka ni mabimbi-kutxa, veya khozela masoni ka Mkoma, aniko ve tshumela ve wuya m'tini kwawe kona Rama. Elikana a to ziva Ana, msikati wakwe, se Mkoma a to mualakanya.

Filimoni 1:15

Nguko, tximwani txikhati a tekilwe kwako ngu mbimonyana ya yidotho, kasiku u txi tshumela u mmana do gwita,

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Genesisi 50:19

Aniko Josefa a va gete, a txi khene: Mi nga thaveni txilo! Mi pimisa ti to ani ni ha wukhaloni wa Txizimu kani?

Genesisi 50:21

Konkuwa, mi nga thaveni txilo. Ani ni na mi xayisa, kumweko ni vanana vanu. Ene a to va khongotela, a txi womba-womba navo ngu lirando.

Esteri 4:14

Nguko ka mbimo yiya hambi u txi malala ka totshe, kutxhatxhiswa ni kuhuluka si nata ngu ka dimwani didhawa da Vajudha, kambe awe ni nyumba ya tate wako, mi na lova; se kona ti ziwa ngu mani, mwendo u tile ngu mbimo yiya ka mfumo wuwa ngu mhaka yiya kani?