Genesisi 45:27 - Bhiblia Yo Sawuleka

²⁷ Kambe vona va to xawutela otshe mapswi ale Josefa a nga va gela, se mbimo yi a nga wona sikotxikani si Josefa a nga si rumela kasi kuya mteka, ngu kona moya wa tate wawe wu nga sala kuwuka.

Genesisi 45:27 Referans Kwoze

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Genesisi 45:19

Awe Josefa, va gele kambe u txi khawe: Mahani tiya: Tekani sikotxikani sa ditikoni muwa ka Egipta, mi na ya sikota kuwuya ni vanana vanu ni vasikati vanu, ni tate wanu,

Hoseya 6:2

Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe.

Masalmo 85:6

Khu na mbiswa u txi hi hanyisa, kasiku vathu vako va txi tsaka ngu ngawe kani?

1 Samuwele 30:12

Va to mninga ni txibhutwana txa makuwa o oma, ni sizangwa simbidi sa mauvha e dya; se a to mana mtamo, nguko ku ti ti pindile masiku mararu ni wusiku wa kona a sa dya sakudya, ni kusela mati.

Valamuli 15:19

Sekoko Mkoma a to bhandisa dirigwi di di nga ti tiho kona Leki; se ku to huma mati ngu ka dona, se e sela; se moya wakwe wu to wuya, a txi tshumela e hanya; ngu kumaha keto, a to raya ditina daku: Njisima Txa Wu a Dilako, atxi txi ku nga diho kona Leki kala ka ditshiku da nyamsi.

Genesisi 45:28

Israyeli a to womba, a txi khene: “Basi! Mwanana wangu Josefa a ngadi a txi hanya! Ni na tsula ni txi ya mu wona ni sanzi kufa!”

Mavingu 25:25

Mahungu amanene ota ngu ditikoni ka kule, ma fana ni mati o titila, ka dihika do karala ngu ditora.